POP 5

Lajmet më të lexuara të 5 minutave të fundit

Shëndeti

Bota

Tetori i kancerit të gjirit, 458 mijë vdekje në vit! Covid vështirëson diagnostikimin

Sipas të gjitha studimeve diagnostikimet e vona e bëjnë më të vështirë trajtimin e sëmundjes

Diagnostikimi dhe trajtimi në kohë i kancerit të gjirit është një nga kushtet kryesore për ta luftuar, por prej muajsh për shkak të krizës nga Covid-19 , të sëmurët po hasin vështirësi për të caktuar takimet me mjekët .

Në një studim të organizatës “Breast Cancer Now”,  gati një milion gra në Mbretërinë e Bashkuar kanë humbur ose iu janë shtyrë kontrollet në gji, për shkak të pandemisë së koronavirusit.

Organizata vlerëson se 986,000 gra në të gjithë Mbretërinë e Bashkuar e kanë humbur  mundësinë për të bërë mamografinë, pasi për këto shërbime gjatë muajve të parë të pandemisë kishte ndalje të takimeve. Edhe pse vizitat rinisën  distancimet sociale e zvogëluan kapacitetin e tyre.

Sipas të gjitha studimeve diagnostikimet e vona e bëjnë më të vështirë trajtimin e sëmundjes.

Llogaritjet e organizatës “Breast Cancer Noë” bazohen në numrin mesatar të grave që kontrollohen brenda një muaji dhe kohën sa ka zgjatur pauza e programeve të skanimit në çdo pjesë të Mbretërisë së Bashkuar.

Sot nis edhe muaji i ndërgjegjësimit për kancerin e gjirit, i shënuar në vende të botës çdo tetor, që ndihmon në rritjen e vëmendjes dhe mbështetjes për ndërgjegjësimin, zbulimin dhe trajtimin e hershëm të kësaj sëmundjeje, OBSH ngre sërish alarmin.

Sipas të dhënave të OBSH-së  çdo vit regjistrohen 1.38 milion raste të reja dhe 458 000 vdekje nga kjo sëmundje.  Shumica e vdekjeve ndodhin në vendet me të ardhura të ulëta dhe të mesme, ku shumica e grave diagnostikohen në fazat e avancuara për shkak të mungesës së vetëdijes dhe të ardhurave.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 15 Shkurt, 08:36

    Çfarë vlerësimi keni për punën e e SPAK-ut deri më sot?

Lajme të tjera



×

Lajmi i fundit

Kishte probleme me pasurinë, Kolegji i Posaçëm i Apelimit shkarkon gjyqtarin e Durrësit, Izet Dushajn

Kishte probleme me pasurinë, Kolegji i Posaçëm i Apelimit shkarkon gjyqtarin e Durrësit, Izet Dushajn

17 Shkurt, 16:55