Teuta ka dhuruar një surprizë në mbyllje të javës së pestë të kategorisë superiore, pasi ka arritur që të mposhtë në stadiumin “Niko Dovana” Flamurtarin.Durrësakët kanë zhvilluar një ndeshje për kornizë pavarësisht se për më shumë se 30 ‘ minuta ka luajtur me një futbollist më pak në fushë pas largimit të Arjan Shetës.

Ndeshja ka nisur e mirë për vendasit që kalojën në avantazh me kapitenin Sheta në minutën e 16’ të ndeshjes, pas një devijimi me kokë një topi të ardhur nga këndi. Përpjekjet e miqëve për të barazuar rezultatin janë konkretizuar vetëm në pjesën e dytë në minutën e 61’ me Memellin.

Por atëherë kur të dy ekipet po i drejtoheshin fundit të ndeshjes, Emihazeri shënon golin e ditores duke i dhënë tre pikë me vlerë Teutës dhe fundosur Flamurtarin. Në takimet e tjera Skënderbeu ka barazuar në Berat, Laci ka barazuar me Kukësin, po ashtu edhe Shkumbini me Kastriotin.

(d.b/shqiptarja.com)