POP 5

Lajmet më të lexuara të 5 minutave të fundit

Sport

Teuta zhyt Partizanin në krizë. Tirana marshon me fitoret, Vllaznia asist për bardheblutë

Pas Tiranës sot Partizanin e ka mposhtur edhe Teuta, duke e zhytur skuadrën kampione në krizë.

Partizani është zhytur sërish në krizë pasi të kuqtë nuk kanë arritur të ngrenë kokë pas humbjes në derbi 5-1 me Tiranën. Sot, kampionët në fuqi, janë mposhtur 0-1 nga Teuta në Selman Stërmasi për llogari të javës së 25 të Superligës. Në kryeqytet të besuarit e Sormanit pastën mundësinë të merrnin avantazhin në pjesën e parë, por atë që se bënë ata, e bëri Teuta në pjesën e dytë, duke realizuar me Kallakun dhe duke marrë tre pikët.

Kjo ishte humbje e dytë radhazi për Partizanin në kampionat, ndërsa para këtyre dy javëve ka barazuar edhe me Bylisin në Air Albania.

Ndërkohë Tirana vijon të marshojë drejt titullit kampion pasi kjo javë i ka buzëqeshur sërish. Bardheblutë kanë fituar 0-2 takimin e tyre kundër Flamurtarit falë një autogoli dhe realizimit të Kobinah.  24 herë kampionët e Shqipërisë kanë rritur edhe diferencën me ndjekësit pasi Kukësi ka barazuar pa gola në Elbasan Arena kundër Vllaznisë.

Një debutim me një pikë për trajnerin Orges Shehi, që me verilindorët u zyrtarizua vetëm ditën e hënë pas shkarkimit të Shpëtim Duro-s. Ndërkohë në Korçë Skënderbeu ka vijuar me rezultatet mbresëlënëse të 2020 pasi edhe sot ia ka dalë të marrë tre pikët me shifrat 2-0 kundër Luftëtarit. Golat për ekipin e drejtuar nga Ilir Daja u realizuan nga Mensah dhe Jashanica. Sakaq po sot, por disa orë më parë, Laçi ka mposhtur me shifrat 2-1 Bylisin, skuadrën që këtë vit ende nuk e ka njohur fitoren e parë.

Pas 25 javësh kampionat Tirana udhëheq Superligën me 50 pikë, 6 më shumë se Kukësi ndjekës. Në vendin e tretë renditet Laçi, ndërsa pas tij vijnë Teuta dhe Partizani.

Ne.k./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Ultras Guerrils: 04/03/2020 21:53

    Shpetim Duron e shkarkuan per nje barazim kurse italiani dy here e ka drejtuar Partizanin gati sa se nxorri nga Superliga humbi derbin me rezultatin me te thelle ne historine 76 vjecare te klubit dhe perseri ka moral qe ta drejtoje Partizanin

    Përgjigju
  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?

Lajme të tjera



×

Lajmi i fundit

Kryemadhi: Unë jam një prej tradhtarëve! PL s’ka nevojë për prerje kokash, nuk ka ç’të presë

Kryemadhi: Unë jam një prej tradhtarëve! PL s’ka nevojë për prerje kokash, nuk ka ç’të presë

19 Prill, 19:21