Thaçi: FSK-ja, forcë profesionale
e gatshme për çdo sfidë

PRISHTINE-Presidenti i Republikës së Kosovës, Hashim Thaçi, ka pritur sot në takim komandantin e Forcës së Sigurisë së Kosovës, gjeneralejtnant Rrahman Rama, me të cilin ka biseduar për arritjet e FSK-së dhe ngritjen e kapaciteteve të saj për t’iu përgjigjur nevojave të Republikës së Kosovës.

Gjeneralejtnant Rrahman Rama e informoi presidentin Thaçi për të arriturat e FSK-së dhe ngritjen e kapaciteteve të kësaj force.

“Forca e Sigurisë së Kosovës është trajnuar sipas standardeve më të larta të NATO-s dhe është e gatshme të jetë ushtri e Kosovës”, u shpreh gjeneralejtnant Rama.

Presidenti Thaçi u shpreh i kënaqur me arritjet e Forcës së Sigurisë së Kosovës dhe me planet për të ardhmen e kësaj force.

“Forca e Sigurisë së Kosovës është rekrutuar dhe është përgatitur në bashkëpunim me NATO-n dhe sipas standardeve të NATO-s”, u shpreh presidenti Thaçi.

“FSK është forcë profesionale e standardeve të NATO-s, shumë etnike, me përfaqësim të duhur gjinor dhe e gatshme t’u përgjigjet të gjitha sfidave të sigurisë në tërë territorin e Republikës së Kosovës”, u shpreh presidenti Thaçi.

(d.b/Shqiptarja.com)