Tha se do të tërhiqej, Kokalari ndryshon mendje: Më keni në dispozicion total

TIRANË- Evi Kokalari, mbështetësja e 'flaktë' e Sali Berishës, duket se ka ndërruar mendje për largimin e saj nga ajo që quan politikë aktive.

Kokalari thotë se ky nuk është momenti i duhur për t'u tërhequr, prandaj bën me dije se do të jetë në dispozicion total të 'Foltores'  e ndërsa nuk i ka kursyer edhe ironitë.

"Me që jeni bërë lëmsh dje, dhe Lulzim Basha me kryesinë e tij imagjinare që nuk ka asnjë autoritet partiak, përjashton e pezullon të gjithë anëtarët e Komisionit te Rithemelimit nga Partia, po bëj një deklaratë tjetër; Eshtë e padiskutueshme dhe duket qartë që kjo nuk është koha e përshtatshme të tërhiqem sado pak, megjithëse e kam shumë te nevojshme t'i kthehem jetës time në Amerikë. Eshtë gjithashtu e qartë që ajo që shkruajta dje, është keqkuptuar si braktisje dhe si shkëputje e plotë nga ajo çka filluam në 9 Shtator, dhe për më tepër është keqpërdorur nga të majtët ku tashmë bën pjesë dhe grupi Bashës.

LEXO EDHE:
PD: Të shpallen muzë kombëtar kampi i të Burgosurve në Spaç dhe kampi i internimit Tela me Gjemba në Tepelenë

Si e tillë dua t'ju them se më keni sërish në dispozicion TOTAL, si gjithmonë - pa “paratë e foltores” apo të dikujt tjetri, siç akuzojnë bodyguardet e Lulit. Lufta për pluralizmin Shqiptar vazhdon, dhe është një luftë që do ta fitojmë. Fakti që nuk jam gjithë kohën në Tiranë, s’do të thotë që nuk angazhohem. Përkundrazi, ndihmoj në drejtime të tjera. Gjithashtu e bëra të qartë më parë që jam në komunikim të përditshem me të gjithë anëtaret e Komisionit, dhe në asnjë moment nuk kam thënë se jam larguar nga ai. Për mbështetësit e mi, më vjen shumë keq që deklarata e djeshme ju ka dekurajuar. Nuk isha e vetëdijshme që mund të krijonte atë lloj reagimi. Ndërkohë, gjithnjë do jem në krahë të Berishës, sepse besoj se është guri i fundit që e mban opozitën nga shkatërrimi total.

Gjithsesi, dua të sqaroj që kur opozita të ketë Kryetarin e ri, dhe statutin që do jetë baza e PDsë Konservatore, do ti kthehem jetës time në Amerikë, dhe do të fokusohem në fushatat elektorale të miqve të mi në Neë York, Ohio dhe Florida. Mos harroni, Donald J. Trump duhet të kthehet në Shtepinë e Bardhë nëse do ta fitojmë këtë luftë me Luciferin, dhe përgatitjet për kthimin i tij, fillojnë me fushatat e vitit 2022", shkruan Kokalari.

Evi Kokalari ka qenë krahu i djathtë i Sali Berishës që nga shtatori kur nisi dhe luftën e tij ndaj kryedemokratit Lulzim Basha.

B.K./Shqiptarja.com

TAG:
• PD
• sali berisha
• evi kokalari