Pas shpërndarjes së Kuvendit, Presidenti i Kosovës Hashim Thaçi thirri këtë mëngjes një takim me përfaqësuesit e partive parlamentare për të diskutuar datën e zgjedhjeve të parakohshme.
 
Shumica e përfaqësuesve kanë propozuar datën 11 qershor për mbajtjen e zgjedhjeve, ndërsa Presidenti tha se data e zgjedhjeve do të jetë 11 ose 18 qershori. 
 
Në takim mori pjesë edhe kryetarja e KQZ-së së Kosovës, Valdete Daka.
 
Rrëzimi i qeverisë së koalicionit PDK - LDK ndodhi dje pas votimit të mocionit nga 78 deputetë pro.
 
Pas konsultimit, sot Presidenti do të vendosë datën e re të zgjedhjeve.


dy.b/shqiptarja.com