POP 5

Lajmet më të lexuara të 5 minutave të fundit

Arkiva

Thaçi : Qeveria e re do ndërtohet duke respektuar rezultatin zgjedhor të 8 qershorit

PRISHTINË- "Qeveria e re e vendit do të ndërtohet duke respektuar rezultatin zgjedhor te 8 qershorit dhe duke respektuar vendimet e Gjykatës Kushtetuese", theksoi sot kryeministri kosovar e kryetar i PDK-së, Hashim Thaçi.
Në një psotim në rrjetin social Facebook Thaçi shprehet se "Kosovës i duhen institucione të qëndrueshme, efektive dhe shumë përfshirëse të fokusuar në krijim të vendeve të reja të punës".
"Zgjedhjet e 8 qershorit ishin të lira, demokratike dhe transparente. Këto zgjedhje u organizuan për herë të parë në gjithë territorin e Republikës së Kosovës. U shënua sukses historik për shtetin tonë të ri. Institucionet qendrore dhe lokale po shtrinin autoritetin shtetëror në gjithë territorin. Sovrani, populli foli dhe u deklarua lirshëm", shkruan ai në Facebook.
Ashtu siç pritej, vijon Thaçi, Partia Demokratike e Kosovës shënoi fitore të pastër, bindëse dhe spektakulare.
"Por, fat të keq për vendin dhe qytetarët, edhe pesë muaj pas zgjedhjeve, ndërtimi i institucioneve mbahet i bllokuar. Koha kur Kosova qeverisej nga liderë që përjetësisht nuk kanë arritur të fitojnë numra dyshifrorë në zgjedhje të lira, ka mbaruar përgjithmonë", shprehet Thaçi.
Sipas rezultateve përfundimtar të zgjedhjeve të 8 qershorit, të shpallura e të çertifikuara nga KQZ, koalicioni i PDK-së ka 30,38 % të votave - 37 deputetë , ndërsa LDK 25,24 % - 30 deputetë, Lëvizja Vetëvendosje 13,59 % - 16 deputetë, AAK 9,54% - 11 deputetë, Nisma për Kosovën 5,15% - 6 deputetë. Nga subjektet e komuniteteve pakicë, Lista Srpska (Srpska Lista) ka 5,22% të votave - 9 deputetë, Partia Demokratike Turke e Kosovës (Kosova Demokratik Türk Partisi) 1,02% - 2 deputetë, Koalicioni Vakat i komunitetit boshnjak (Koalicija Vakat) 0,89% - 2 deputetë. AKR me 4,67 % të votave nuk kalon pragun 5% për të hyrë në Kuvendin e Kosovës. /ATSH/

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

I shpallur në kërkim ndërkombëtar, arrestohet 34-vjeçari në Britani! GJKKO i kishte vënë masën 'Arrest në burg' për grup të strukturuar kriminal (EMRI)

11 Janar, 19:27