POP 5

Lajmet më të lexuara të 5 minutave të fundit

Bota

Theresa May shtyn votimin në parlamentin britanik për BREXIT

Shtyrja e votimit ndodhi pak orë pasi që Gjykata Europiane e Drejtësisë tha se Mbretëria e Bashkuara mund të anulojë njëanshëm BREXIT-in, duke shtuar shpresat e pro evropianëve për mbetjen në Bashkimin Europian

Theresa May shtyn votimin në parlamentin britanik për BREXIT

Kryeministrja Britanike, Theresa May

Kryeministrja britanike, Theresa May, vendosi të shtyjë votimin e marrëveshjes për marrëveshjen e largimit nga Bashkimi Evropian, që ishte arritur me Brukselin gjatë muajit nëntor.

Kryeministrja May u tha deputetëve se çështja e kufiri irlandez ishte çështja me e diskutueshme rreth marrëveshjes për të cilën ajo nuk ka votat e mjaftueshme.

Parlamenti pritej të votonte të martën, nëse e pranon marrëveshjen që kryeministrja May e ka arritur me Bashkimin Evropian, për largimin e Britanisë nga blloku.

Shtyrja e votimit ndodhi pak orë pasi që Gjykata Evropiane e Drejtësisë, tha të hënën se Mbretëria e Bashkuara mund të anulojë njëanshëm BREXIT-in, duke shtuar shpresat e pro evropianëve para votimeve në parlamentin britanik për marrëveshjen e kryeministres Theresa May, për largimin nga Bashkimi Evropian. LEXO KETU

Vetëm 36 orë para votimit të së martës, Gjykata tha se Londra mund të tërheqë njëanshëm dhe pa dënime artikullin e 50 për largimin nga BE-ja.

“Mbretëria e Bashkuar është e lirë të anulojë në mënyrë të njëanshme njoftimin për qëllimin e saj për t'u tërhequr nga BE-ja ", thuhet në vendimin e gjykatës.

"Një anulim i tillë, i vendosur në përputhje me kërkesat e kushtetuese, kombëtare, do të kishte efektin që Mbretëria e Bashkuar të mbetet në BE nën kushte të pandryshuara".

E ardhmja e BREXIT-it mbetet thellësisht e pasigurt pasi dhjetëra ligjvënës janë zotuar publikisht të votojnë kundër marrëveshjes së kryeministres May.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 5 Shkurt, 10:32

    Informaliteti e nëndeklarimi pagave po dëmtojnë pensionet, sa po luftohen?

Lajme të tjera



×

Lajmi i fundit

Ditë me diell dhe temperatura deri në 19 gradë... parashikimi i motit për sot

Ditë me diell dhe temperatura deri në 19 gradë... parashikimi i motit për sot

6 Shkurt, 07:11