Qeveria italiane ka bërë thirrje që njerëzit në disa rajone të veçanta duke përfshirë atë të Lombardisë të mos dalin nga shtëpitë, për shkak të frikës së përhapjes së koronavirusit. Gjithsesi kjo thirrje ka rënë në vesh të shurdhët te tifozët zikaltër të Interit, pasi sot ata janë grambulluar në qendrën stërvitore për t’i dhënë zemër ekipit.
Kanë qenë rreth 400-500 tifozë të cilët kanë thyer urdhërin për të mos e lënë vetëm ekipin në prag të ndeshjes me Juventusin që është shumë e rëndësishme për kampionatin dhe që do të luhet me dyer të mbyllura.
Superfida e javës së 26 do të luhet në orën 20:45 të dielën dhe ishte programuar për t’u zhvilluar që me 1 mars, por u shty për shkak të alarmit që ekziston në Itali.
![](https://shqiptarja.com/template/img/NO_ALFA_Kuadrate shqiptarja.png)
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)