Shqipëria realizoi emetimin e Eurobondit të gjashtë në historinë e saj. Eurobondi 5-vjeçar në shumën 600 milionë euro i emetuar të martën ishte i dyti për nga vlera, pas emetimeve të viteve 2020 dhe 2021, që kishin një vlerë totale prej 650 milionë eurosh secila. Për nga çmimi, Eurobondi i kësaj jave ishte emetimi i dytë më i shtrenjtë, pas Eurobondit fillestar, të emetuar në vitin 2010. Edhe Eurobondi i parë, i vitit 2010 kishte maturitet 5-vjeçar dhe u emetua me një yield prej 7.625%.
Ndërkohë, emetimi i fundit me të njëjtin maturitet, atë 5-vjeçar, i realizuar nga Qeveria Shqiptare ishte kryer në vitin 2015. Në atë rast, yield-i i obligacionit rezultoi 5.875%, në nivel lehtësisht më të ulët në raport me yield-in prej 6.125% të obligacionit 5-vjeçar që u emetua dje. Nga viti 2018 e në vazhdim, qeveria shqiptare ndoqi një strategji të zgjatjes së maturitetit të obligacioneve. Emetimet e viteve 2018 dhe 2020 kishin maturitet 7-vjeçar, ndërsa ai i vitit 2021 kishte maturitet 10 vjeçar.
Kjo zgjatje mbështetej në konsolidimin e Shqipërisë si huamarrës në tregjet ndërkombëtare, por edhe në maksimalizimin e përfitmeve nga epoka e normave të ulëta historike të interesit. Eurobondi 7-vjeçar i vitit 2018 u emetua me një yield 3.55%, ai i vitit 2020 me një yield prej 3.625%, ndërsa Eurobondi 10-vjeçar i vitit 2021 me një yield prej 3.75%. Në emetimin e këtij viti, qeveria shqiptare ka vendosur të ulë sërish maturitetin e instrumentit të huamarrjes në pesë vjet, veprim që duket se kishte si qëllim kryesor uljen e kostos së financimit, në kushtet kur normat e interesit janë rritur ndjeshëm, si përgjigje e bankave qendrore dhe tregjeve ndaj inflacionit të lartë.
Kuponi prej 6.25% dhe yield-i prej 6.125% i Eurobondit shqiptar është në nivele të ngjashme me ato të siguruara nga Maqedonia e Veriut, në Eurobondin e fundit të muajit shkurt. Por, Eurobondi maqedonas kishte një maturitet më të shkurtër, katërvjeçar, ndaj duke konsideruar këtë ndryshim, çmimi i siguruar nga Eurobondi shqiptar në harkun e katër muajve më pas mund të vlerësohet pak më i mirë. Në fund të tremujorit I 2023, stoku i Eurobondeve i emetuar nga qeveria shqiptare kishte vlerën e 1.8 miliardë eurove, ndërsa me emetimin e këtij muaji ky stok rritet në 2.4 miliardë euro.
Gjithashtu, ky emetim e çon stokun total të borxhit në euro në vlerën e rreth 4.6 miliardë eurove, shumë që përbën rreth tret të katërtat e borxhit të jashtëm ose afërsisht sa 34% e borxhit publik (totali i llogaritur si stoku i marsit 2023 plus vlerën e Eurobondit të kësaj jave). Efekti i Eurobondit të fundit në ecurinë e borxhit publik pritet të jetë afatshkurtër, pasi, sipas Ministrisë së Financave, pjesa më e madhe do të përdoret për shlyerjen e borxheve që maturohen gjatë këtij viti. Në fund të tremujorit I, borxhi publik vlerësohej sa 63.3% e PBB-së.
Huamarrja e qershorit mund ta rrisë përkohësisht nivelin e borxhit në tremujorin II, ndërsa deri në fund të vitit pritet sërish një ulje graduale, falë shlyerjes së detyrimeve të tjera, por edhe efektit të fortë të kursit të këmbimit. Kursi i këmbimit të Euros ndaj Lekut ka pësuar rënie me gati 11% krahasuar me një vit më parë, duke shkaktuar, mes të tjerash, një ndikim të fortë në uljen e stokut të borxhit publik, llogaritur në Lekë./Monitor
Komente
Lajme të tjera
-
Shqipëria del në treg të huaj në 2025, kërkon 650 mln € borxh! Në 13 vite janë marrë 6 eurobonde me vlerë 3.2 mld €
4 Korrik, 13:05
-
Konsumi e investimet do rrisin ekonominë me 3.7% këtë vit! Turizmi e ndërtimi ndikim kryesor! Do merren dy eurobonde 1.2 mld euro deri në 2026
19 Janar, 16:12
-
Frymëmarrje për huamarrësit në Euro, Euribori zbret në nivelin më të ulët në 7 muaj
7 Dhjetor 2023, 08:54 -
Në 2024 Shqipëria mund të emetojë një tjetër eurobond, interesat e borxhit për vitin e ardhshëm arrijnë 600 mln euro! Mete: Synojmë uljen e borxhit
8 Nëntor 2023, 17:20
-
Eurobondi prej 650 mln eurosh, Ministrja e Ekonomisë: Hera parë në histori që e marrim me afat 10-vjeçar shlyerje! Borxhi publik shkon në 80.2%
24 Nëntor 2021, 12:04 -
Eurobondi/ Shqipëria merr 650 mln € në tregun e huaj, eksperti: I nevojshëm për të financuar deficitin! Shqetësim është niveli i borxhit në vend
19 Nëntor 2021, 20:27
-
Shqipëria emeton Eurobondin 650 mln euro me normë interesi 3.75%
18 Nëntor 2021, 19:04 -
Dje në Report Tv shpalli sërish kandidaturën për kreun e PD, Kadilli bën thirrje për të mos e quajtur PD-në opozitë: Demokratë, mos iu bindni Lulzim Bashës
31 Tetor 2021, 10:43 -
Kuvendi miraton Eurobondin, borxhin për OSHEE-në dhe buxhetin faktik, opozita abstenon! Ngrihet Komisionit hetimor për mbetjet urbane
28 Tetor 2021, 19:36 -
Borxhi deri në 700 mln €, Meta jep pëlqimin për marrjen e eurobondit, por me disa rezerva
27 Tetor 2021, 12:44 -
Eurobondi i ri, ekspertja Elona Shehu për Report Tv: I nevojshëm në këtë situatë, fondet të shkojnë edhe për investime
11 Korrik 2021, 10:55
-
Në 2022 vendi do emetojnë eurobondin 500 mln €, Ministria e Financave: Koha e shlyerjes do jetë 7 deri në 10 vjet
8 Korrik 2021, 18:37
Po beni cmosin per te falimentuar Shqiperine e? Kuvendi miratoi 500 mln, ju morret hua 650mln. 100 e ca nga ky borxh gjoja do shkonte per pagat dhe u financua nga banka private ne Shqiperi. Keto banka, kerkuan garanci dhe kolateral nga qeveria, specifikisht ne sektorin e energjise. Cfare ekonomie po ben o Km rrumpalla? Si do paguhen keto euro qe merren borxh? Antikombetarizmi dhe psikopatia e theksuar e Rames duhen “ndrequr” sa me pare!
PërgjigjuNese qeveria nuk ka garanci per kthimin e borxhit, sado qe te kerkoje, askush nuk ijep. Pra i jaoin, se kane garanci qe i kthehen se bashku me perfitimin e interesave. Keto jane llogari finsnciare dhe jo politike dhe investitoret nuk duan ta dijne, as per Rsmen as per Berishen, por per te fituar PARA !!!