POP 5

Lajmet më të lexuara të 5 minutave të fundit

Sport

Tirana 'luan tenis' me Apoloninë, bardheblutë afrohen me kreun! Skënderbeu zhyt në krizë të thellë Kukësin

5-2 ka fituar Tirana kundër Apolonisë, duke u afruar ndjeshëm me skuadrat kryesuese. Ndërkohë supriza e kësaj jave ka ardhur nga Elbasani atje ku Skënderbeu ka mposhtur 0-1 Kukësin, që është zhytur në krizë të thellë.

Tirana ka marrë një fitore tenistike me shifrat 5-2 kundër Apolonisë për llogari të javës së 26 të Superligës. Në Air Albania bardheblutë e nisën shumë mirë takimin duke realizuar me Bathën, por brenda pjesës së parë miqtë nga Fieri përmbysën me Levendin. Sfida që ishte e thjeshtë në letër u bë e vështirë në fushë.

Megjithatë në pjesën e dytë bardheblutë barazuan me Torrasën, para se Batha të përmbyste shifrat. Më tej gjetën rrugën e rrjetës dhe Ismailgeci me Kalen. Me këtë fitore kampionët në fuqi ngjiten në vendin e pestë me 41 pikë, 3 më pak se Partizani, ndërsa javën tjetër përballen me Skënderbeun.

Ky i fundit ndërkohë ka bërë suprizën sot duke mposhtur në Elbasan Arena 0-1 Kukësin, që ka marrë humbjen e dytë radhazi dhe e ka çuar në 7 numrin e ndeshjeve pa fitore. Golin trepikësh e realizoi Mensah, ndërsa me këtë fitore korçarët ngjallin shpresën për mbijetesë në Superiore.

Sakaq më herët Bylis barazoi 1-1 kundër Kastrioti, në një ndeshje që prodhoi shumë episode. Fillimisht zhbllokuan krutanët falë Prodanit në minutën e dytë, ndërsa më pas Ntepe barazoi për vendasit në pjesën e parë. Ky rezultat mbeti i pandryshuar deri në fundin e lojës.

Ndërkohë po për llogari të javës së 26 të Superligës një ditë më parë Teuta mposhti 1-0 Laçin, duke marrë vendin e parë, me po aq pikë sa Vllaznia që barazoi pa gola kundër Partizanit. Javën e ardhshme, që luhet të shtunën dhe të dielën spikat përballja mes Laçit të vendit të tretë dhe Vllaznisë së vendit të dytë, që ndahen me dy pikë.

Ne.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 23 Janar, 09:41

    Secila parti në zgjedhje me 46 deputetët e parë të fiksuar, si e vlerësoni?

Lajme të tjera



×

Lajmi i fundit

Po mahnit Anglinë, Rocco Vata ndiqet nga Man. United! Drejtoria teknike në FSHF është 'në gjumë'

Po mahnit Anglinë, Rocco Vata ndiqet nga Man. United! Drejtoria teknike në FSHF është 'në gjumë'

23 Janar, 15:32