POP 5

Lajmet më të lexuara të 5 minutave të fundit

Politikë

Tiranë-Elbasan nis punimet
Berisha: Opozita të pendohet

Duke vlerësuar si “një ndër rrugët më nevralgjike” dhe “dhuratë” e madhe për 100 që i bëhet shqiptarëve për 100 vjetorin e Pavarësisë, kryeministri ftoi opozitën të vizitojë rrugën si një akt pendese për energjinë negative që krijuan në Parlament duke tentuar të bllokojnë buxhetin. ( ne foto Berisha ne inaugurimin e tunelit Tirane- Elbasan)
Tiranë-Elbasan nis punimet<br />Berisha: Opozita të pendohet
ELBASAN- Kryeministri përuroi sot fillimin e punimeve të autostradës Tiranë- Elbasan, e cila do të shkurtojë distancën me Tiranën por dhe me Shkupin e Maqedonisë. Duke vlerësuar si “një ndër rrugët më nevralgjike” dhe “dhuratë” e madhe për 100 që i bëhet shqiptarëve për 100 vjetorin e Pavarësisë, kryeministri ftoi opozitën të vizitojë rrugën si një akt pendese për energjinë negative që krijuan në Parlament duke tentuar të bllokojnë buxhetin.

“Ftoj opozitën në një vizitë kolektive, si një akt pendese, sepse pendesa është tipar i njeriut të qytetëruar. Ftoj të vijnë ta vizitojnë për ta kuptuar që çfarë energjie negative krijuan në Parlament kur votohej buxheti për këtë autostradë. Të gabosh është njerëzore por të mos korrigjohesh është marrëzi prandaj uroj dhe shpresoj që të pendohen për veprimin e tyre” tha Berisha.

Kryeministri vlerësoi se tuneli do të mbahet mend si si tuneli i 100-vjetorit të pavarësisë dhe se vazhdimi i ndërtimit të autostradës Tiranë-Elbasan dhe Elbasan-Korçë është dëshmi i përformacës ekonomike të Shqipërisë, dhe “përgënjeshtrimi i lotëve të krokodilit që kollagjerët e zhvillimit derdhin çdo ditë”.

Zoti Berisha premtoi se këtë pranverë nis ndërtimi i rreth 1300 km rrugë në vend dhe se qeveria është e angazhuar që brenda këtij viti të nisë ndërtimin e tunelit të Qafë Murrizit.

Ndërkohë lideri socialist Edi Rama reagoi sot duke i cilësuar fjalët e Berishës si “shpifja e ditës”. Sipas Ramës, PS jo vetëm që nuk ka qenë kundër tunelit të rrugës Tiranë-Elbasan, por “ka votuar në Parlament pro huasë për tunelin”.

Autostrada Tiranë- Elbasan së bashku me tuneli do të ketë gjatësi 31 km dhe do të lëvizet me një shpejtësi prej 120 km /h duke kursyer kështu të gjithë atyre që vijnë nga Shqipëria qendrore juglindore por edhe udhëtarëtve nga Shkupi, Struga, Tetova së paku 50 minuta, ndërsa transportit të rëndë mbi 1.5 orë udhëtim.
(im/sg/shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

SPAK i goditi organizatën kriminale, vëllai i Suel Çelës i arrestuar prej dy muajsh në Belgjikë

SPAK i goditi organizatën kriminale, vëllai i Suel Çelës i arrestuar prej dy muajsh në Belgjikë

26 Nëntor, 15:00