POP 5

Lajmet më të lexuara të 5 minutave të fundit

Politikë

Tiranë, KQZ zëvendëson
mandatin e Bicit me Mëhill Fufin

Në Kuvend deputeti i cili u plagos në zgjedhjet e 23 qershorit në qytetin e Laçit.
TIRANE- Komisioni Qëndror i Zgjedhjeve bëri zëvendësimin e mandatit të deputetit të Partisë Demokratike, Vasil Bici me atë të Mëhill Fufit në Qarkun e Lezhës.

Ky zëvendësim mandati vjen për shkak se Bici ka paraqitur dorëheqjen nga mandati i deputetit që kishte fituar nga zgjedhjet e 23 qershorit, për arsye shëndetësore.

Deputeti i ri i PD për Qarkun e Lezhës pritet që të bëjë dhe betimin në seancën parlamentare.

Vasil Bici i cili ishte deputet i PD-së në qarkun e Lezhës dha dorëheqjen nga mandati i tij. Këtë gjë e bëri të ditur, kryetari i komisionit të përkohshëm të verifikimit të mandateve, Armando Subashi në seancën e parë të Kuvendit, më 10 shtator 2013, i cili tha se, “Vasil Bici ka dorëzuar një kërkesë pranë komisionit ku nuk pranon që të bëjë betimin si deputet i Kuvendit të Shqipërisë. 

FUFI DEKLAROI: DO JEM ZË I FUQISHËM NË KUVEND
Deputeti i ri i Partisë Demokratike, Mëhill Fufi duke folur për A1 Report, po më 10 shtator, u shpreh se “dorëheqjen e Bicit e vleresoj si një akt qytetar, që mund ta ketë bërë për arsyet e tij personale”. Fufi ka deklaruar se, “do të përfaqësoj në mënyrë dinjitoze banorët e qarkut të Lezhës”. Si deputet i ri i opozitës, Fufi ka thënë se, “nuk mund të them se do ti mbajmë të gjitha premntimet, pasi jemi në opozitë”.

“Si opozitar do jem një zë i fuqishëm që do të mbroj zgjedhësit e mi për të cilët i falënderoj për besimin”, ka thënë Fufi për A1 Report.

Deputeti i PD-së, ka deklaruar se, “zgjedhjet në qarkun e e Lezhës ishin të qeta dhe normale”.

Mëhill Fufi ishte i pesti në listën e PD në Lezhë, i cili u plagos gjatë ditës së zgjedhjeve, në datën 23 qershor në qytetin e Laçit, në një përballje me armë.  Në këtë ngjarje mbeti i vdekur një simpatizant i LSI-së, Gjon Gjoni, ndërkaq që mbetën të plagosur tre persona të tjerë, mes tyre deputeti i ri, i PD-së, Mëhill Fufi, vëllai i tij, Kastriot Fufi dhe një kushëri i tyre. 

Redaksia online
(sg/v.gj/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Sanksionet ndaj kompanisë së naftës, DASH i përgjigjet Vuçiçit: S’ka biznes të zakonshëm me Rusinë

Sanksionet ndaj kompanisë së naftës, DASH i përgjigjet Vuçiçit: S’ka biznes të zakonshëm me Rusinë

11 Janar, 13:28