Tiranë, letër kërcënuese Ambasadës
Britanike: Do ju hedh në erë

TIRANE- Ambasada e Britanisë së Madhe në Tiranë është tronditur, kur në postën e saj ka mbërritur një letër kërcënuese. "Do t'ju hedh në erë me ekploziv", ishte përmbajtja e letrës kërcënuese.
 
Kjo ka vënë në alarm shërbimet e Antiterrorit të Policisë së kryeqytetit, të cilët kanë nisur kërkimet për kapjen e autorit, i cili është identifikuar.
 
Letra i ishte dërguar selisë diplomatike më datë 15 gusht 2013 nëpërmjet postës, por adresa e shënuar në zarf ishte e rreme.
 
Përfaqësuesit e Ambasadës menjëherë kanë vënë në dijeni Policinë e Tiranës, fillimisht nëpërmjet sallës operative, më pas kanë bërë edhe kallëzim.
 
Policia ka mundur të identifikojë autorin e letrës dhe ta shpallë atë në kërkim. Ai është Roland.H, nga Kukësi.
 
Ai ishte deportuar para disa kohësh nga Britania e Madhe në Shqipëri, pasi nuk i ishte miratuar leja e qëndrimit, si dhe ishte zbuluar, se ishte regjistruar me dokumente false, si kosovar.

Redaksia Online
(e.s/shqiptarja.com)