Pronari i një lokali në Tiranë dhe kamerieri kanë rënë në prangat e policisë për organizim të lojërave të fatit online.

Gjatë kontrolleve në lokalin në rrugën “Erzen Lita”, u gjetën dhe u sekuestruan 2 aparate celulare të cilët dyshohet se përdoreshin për bastet online.

 “Në vijim të punës për evidentimin dhe goditjen e paligjshmërisë, specialistët e Seksionit për Hetimin e Krimit Kibernetik, në bashkëpunim me Forcën e Posaçme Operacionale, finalizuan operacionin policor të koduar “Strike Bet”, gjatë të cilit u konstatua një rast i organizimit të lojërave të fatit online, në kundërshtim me ligjin.

Në përfundim të veprimeve procedurale, u arrestuan shtetasit:

-E. K., 32 vjeç, pronari i lokalit;

-I. Sh., 32 vjeç, kamarier në këtë subjekt.

Gjatë kontrollit në ambientet e lokalit, në rrugën “Erzen Lita”, u gjetën dhe u sekuestruan 2 aparate celulare, të cilët dyshohet se përdoreshin për organizimin e lojërave të fatit online”, njoftoi sot policia.

Materialet procedurale i janë referuar Prokurorisë, për veprime të mëtejshme.