Tiranë/ Efektivi i policisë plagos me armë 45-vjeçarin te ‘Komuna e Parisit’! Pasi e qëlloi, i bëri foto dhe u largua! Dyshohet se i ngacmonte partneren

Efektivi i policisë Erjon Goxhara ka plagosur me armë zjarri Lorenc Kostën mesditën e sotme në Komuna e Parisit. Në vendin e ngjarjes thonë burime për Report Tv janë gjetur 6 gëzhoja. Sipas asaj që kanë filmuar kamerat e sigurisë dinamika si ka ndodhur ngjarja është e tillë: I plagosur ka qenë duke ecur në këmbë në afërsi të kompleksit ‘Kika2’, ndërsa efektivi i policisë ka qenë me makinë.

46-vjeçari e ka parë Lorenc Kostën dhe ka ndaluar dhe e ka qëlluar duke e lënë të plagosur. Pas kësaj i ka bërë foto viktimës i cili ishte i shtrirë në trotuar dhe i mbuluar me gjak.

Shqiptarja.com sjell pamjet nga vendi i ngjarje ku mbeti i plagosur Lorenc Kosta 45-vjeç nga efektivi i policisë Erjon Goxhara. Ngjarja ndodhi mesditën e sotme (19 gusht) pranë një supermarketi te kompleksi ‘Kika2’ te Komuna e Parisit.

Siç shihet nga pamjet disa turistë të huaj i vijnë në ndihmë të plagosurit.

‘Are you ok?! Sit down!’ (Je mirë, ulu ulu...)’ dëgjohen ti thonë shtetasit e huaj.

Sipas dëshmitarëve dyshohet se Lorenc Kosta i ka ngacmuar partneren Erjon Goxharës.

Drejtori i Policisë së Tiranës Tonin Vocaj në një deklaratë për mediat ka folur rreth plagosjes së 45-vjeçarit Lorenc Kosta nga efektivi i policisë Erjon Goxhara.

Vocaj tha se ka kontaktuar me autorin e dyshuar Erjon Goxhara, duke i bërë thirrje që të dorëzohet. Sipas tij efektivi i policisë është në gjendje të rënë psikologjike. Vocaj tha se fakti që e ka qëlluar në pjesën e poshtme të trupit do të thotë se nuk ka dashur që ta vrasë. Propabiliteti shtoi Vocaj është se autori mund të ketë qëlluar me armën e shërbimit, megjithëse nuk ka qenë në orar pune në ato momente.

'Siç jeni në dijeni rreth orës 14:00, E.G punonjës policisë në strukturat për Migracionin ën Tiranë ka plagosur një 45-vjeçar. Policia po kryen veprimet e domosdoshme hetimore. Po punojmë për ta lokalizuar. Mundësia me e madhe është të ketë qëlluar me armën e shërbimit. Motivet janë motive të dobëta. Jemi duke zhvilluar hetim, mund të themi se autori e ka qëlluar në pjesën e poshtme gjë që nuk tregon se ka dashur ta vrasë. Jemi duke kryer hetimet. Nuk e dimë nga është i plagosuri. Besoj në orët e pasdites do të kemi një komunikatë të plotë. Punonjësi i policisë ka qenë jashtë orarit të punës. Kam komunikuar me efektivin është në gjendje të rënduar psikologjike, po e kontaktojmë që mos të kryejë ndonjë veprim tjetër ndaj vetes. Jemi duke shpenzuar energjitë ta kapim. I bëjmë thirrje dhe nëpërmjet medias që të dorëzohet. Siç duket i plagosur nuk është në rrezik për jetën.’- tha Vocaj.

Një plagosje me armë zjarri ka ndodhur mesditën e sotme te kompleksi ‘Kika’ te Komuna e Parisit në Tiranë. I plagosur ka mbetur Lorenc Kosta dhe është qëlluar nga efektivi i policisë Erjon Goxhara. Shqiptarja.com ka siguruar foton e efektivit që ka qëlluar ndaj 45-vjeçarit. Burime për Report Tv bëjnë me dije se shkak dyshohet se 45-vjeçari i ka ngacmuar partneren.

Erjon Goxhara efektiv tek Drejtoria e Kufirit në Laprakë (deri në momentin kur ndodhi plagosja), ndërsa më parë ka punuar efektiv tek Forcat ‘Shqiponja’. 46-vjeçari ka qenë liruar nga policia me kërkesë të tij më herët, por ishte rikthyer sërish.