Zjarri në magazinë në Tiranë dyshohet i qëllimshëm, dëmi 5 mln euro

TIRANE- Zjarri te një magazinë për matriale elektrike në Tiranë, dyshohet se është vendosur qëllimisht nga persona ende të paindentifikuar. Policia dyshon se në sektorin e abazhureve brenda kësaj magazine, një person ka vendosur qëllimisht zjarrin, për të dëmtuar këtë biznes. 

Policia po vijon hetimet dhe për këtë arsyeje janë sekuestruar disa kamera sigurie në zonë, në zbardhjen e kësaj ngjarje.  Ndërkohë këto janë pamjet brenda magazinës, ku duket se gjithçka është shkatërruar. 

LEXO EDHE:
Duhet të kaloni më shumë kohë me partnerin...çfarë thonë yjet për ju sot

Brenda magazinës mendohet se ka pasur materiale me vlerë më shumë se 5 milionë euro, por vijon të bëhet inventari i pajisjeve që janë djegur. Në magazinë, janë djegur trapan, abazhurë si dhe qindra pajisje të tjerë elektrike. Gjithashtu janë djegur edhe zyrat e pronarit dhe punonjësit të kësaj magazine. Ky biznes ishte distributor e një kompanie gjermane dhe është në pronësi të Kliti Nanos, nipi i ish-Kryeministrit Fatos Nano.
 
Mbrëmjen e së hënës më shumë se 20 mjete të zjarrfikëseve u angazhuan për vënien në kontroll të zjarrit. Madje disa zjarrfikëse kanë ardhur nga Durrësi, ndërkohë që u angazhuan edhe forcat e ushtrisë si dhe botet me ujë të UKT-së për mospërhapjen e zjarrit, kjo për faktin se ngjitur me këtë magazinë ishte një rrobaqepësi dhe banesa. 

Flakët vunë në alarm banorët në rrugën “Siri Kodra”, ndërkohë që tymi u duk në të gjithë Tiranën. Vetë pronari i kësaj magazine është shprehur se e kishte të siguruar biznesin e tij dhe pritet vlerësimi i dëmeve.

TAG:
• zjarr ne tirane
• digjet magazina
• Kliti Nano

Sondazhi i ditës:

Skandali tek Onkologjiku, e kujt është përgjegjesia?

• Mjekëve

  55%

• Ministrisë

  42.2%

• Nuk e di

  2.8%

Vota total: 422

Votat totale janë unike

• Sondazhi i ditës:

  Skandali tek Onkologjiku, e kujt është përgjegjesia?

  Mjekëve Ministrisë Nuk e di