Titulli pas 3 dekadash, Kloop premton: Koronavirus s'na pengon, do ta festojmë me tifozët e Liverpool-it

Premier League do të rinisë më 17 qershor për të mbyllur kampionatin në fushë. Por mbi të gjithë duket se për fituesin nuk ka diskutim, pasi Liverpool është shkëputur ndjeshëm dhe është pranë titullit pas një pritje prej 3 dekadash.

Për këtë arsye tifozët e këtij ekipi ishin përgatitur për një festë të madhe, e cila është vënë në diskutim për shkak të pandemisë së koronavirusit. Në lidhje me këtë çështje trajneri i Liverpool-it Jurgen Kloop ka folur së fundmi për BBC.

Kloop, një nga trajnerët më karizmatik në botën e futbollit, premton se do të gjendet një mënyrë për të festuar me tifozët:

Gjithmonë mund të festohet, pavarësisht ku ndodhesh. Nëse shpallemi kampionë, çfarëdo feste të jetë e mundur, ne do ta bëjmë atë. Dhe me të gjithë tifozët tanë kur të na lejohet ta bëjmë përsëri.

Nëse ndodh diçka e tillë, pra shpallemi kampionë, premtoj që do të zhvillohet edhe një paradë. Na mjafton një ditë ku të gjithë mund të vijnë për të festuar së bashku,”- thekson trajneri i kampionëve të Evropës.

Ne.k./Shqiptarja.com
  • Sondazhi i ditës:

    Anëtarësia përzgjedh kandidatët për deputet, a mendoni se procesi i nisur në PD do jetë efikas?

Komento


×

Lajmi i fundit

John

Aksident në Pogradec, makina përplas këmbësoren