POP 5

Lajmet më të lexuara të 5 minutave të fundit

Sport

‘Titullin e fitojmë sërish’, Mba: Do rikthehem titullar, te Partizani s’ka racizëm

Sulmuesi i Partizanit Christian Mba thotë se është gati të rikthehet titullar pas dëmtimit të pësuar në Kupat e Europës. Nigeriani beson se të kuqtë do shpallen sërish kampion në fund të sezonit, ndërsa mohon zërat se futbollistët me ngjyrë nuk trajtohen siç duhet te Partizani.

Fillimi i sezonit ka qenë i vështirë për Christian Mba, sulmuesin e Partizanit, i cili që pas dëmtimit në Kupat e Evropës kundër Valmiera-s nuk është kthyer ende titullar. Madje tani ndien edhe konkurrencën e Bintsouka-s, sulmuesit tjetër të kuqve i cili ka realizuar në dy ndeshje radhazi në Superligë me Partizanin.

“Jam gati për të nisur nga minuta e parë pavarësisht se e di që nuk jam në 100% tim. Konkurrenca me Bintosuka po më pëlqen sepse ne jemi futbollistë dhe pa garë nuk ka futboll,”-tha Christian Mba, futbollist i Partizanit.

Të kuqtë nuk do luajnë këtë mesjavë, pasi ndeshja derbi me Tiranën është shtyrë, por edhe pse jemi në fillim të sezonit sulmuesi nigerian është i bindur se Partizani do kurorëzohet kampion njëjtë si sezonin e kaluar.

“Ne do ta fitojmë titullin përsëri. Është i joni dhe do ia dalim. Sesa gola do të shënoj nuk mund ta them, por këtë do ta shohim në fund të sezonit,”-u shpreh Christian Mba, futbollist i Partizanit.

23-vjeçari foli edhe për ish-shokun e skuadrës tek të kuqtë, konglolezin Matondo, i cili së fundmi ka deklaruar se futbollistët me ngjyrë trajtohen ndryshe te Partizani.

“Gjithkush ka mendimin e tij. Nuk mund të flasë unë sesi është ndierë Matondo apo dikush tjetër. Sa më takon mua mund të them se më pëlqen këtu dhe sesi njerëzit sillen,”-deklaroi Christian Mba, futbollist i Partizanit.

Sfida e radhës për Partizanin në Superligë është kundër Skënderbeut në fundjavë, por deri më tani kampionët në fuqi kanë dy ndeshja të prapambetura, kundër Teutës dhe Tiranës.

Ne.k./E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

VIDEO/ Momente tmerri! Dalin pamjet brenda avionit para rrëzimit në Kazakistan të filmuar nga një prej pasagjerëve

VIDEO/ Momente tmerri! Dalin pamjet brenda avionit para rrëzimit në Kazakistan të filmuar nga një prej pasagjerëve

25 Dhjetor, 16:37