KUKËS- Një tjetër aksident rrugor është regjistruar pasditen ë kësaj të shtune në Kukës. Një makinë ka përplasur një të moshuar, duke e aksidentuar rëndë.
Ngjarja ka ndodhur në aksin rrugor Kukës-Uzinë, ku 38-vjeçari me 'Benz' ka përplasur B. P., 67 vjeç që po lëvizte me biçikletë. Mësohet se i plagosuri ka marrë plagë të rënda për pasojë është transportuar për mjekim më të specializuar në Spitalin e Traumës Tiranë.
"Specialistët e Qarkullimit Rrugor në Drejtorinë Vendore të Policisë Kukës arrestuan në flagrancë shtetasin S. Gj., 38 vjeç, banues në fshatin Bushat, Kukës. Arrestimi i tij u bë pasi, në aksin rrugor Kukës-Uzinë, duke drejtuar automjetin tip “Benz”, ka aksidentuar shtetasin B. P., 67 vjeç, banues në Kukës.I dëmtuari, pasi ka marrë ndihmën e parë mjekësore në spitalin rajonal Kukës, është transportuar për mjekim më të specializuar në Spitalin e Traumës Tiranë. Materialet i kaluan Prokurorisë së Rrethit Gjyqësor Kukës, për veprën penale "Shkelja e rregullave të qarkullimit rrugor"", njofton Policia.
![]()
Ditët e fundit në vendin tonë janë regjistruar një numër i madh aksidentesh rrugore të cilat kanë prodhuar një bilanc tragjik, ku rasti më i fundit është ai në aksin Fier-Vlorë, ku u shua një familje. Nisur nga kjo, Policia ka intensifikuar kontrollet, ku vetën në 12 orë janë pezulluar 66 patenta si edhe janë vendosur 2668 gjoba, pjesa më e madhe për parakalimet e gabuara dhe shpejtësia e lartë.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)