Tjetër ndryshim në administratën Trump, ky është largimi i radhës

Presidenti amerikan Donald Trump njoftoi në Tëitter se ka zëvendësuar gjeneralin H.R. McMaster me ish ambasadorin e SHBA në OKB, John Bolton. Presidenti shkruante në Twitter se Bolton do ta marrë zyrtarisht postin më 9 prill.

John Bolton ka qenë ambasador i SHBA në OKB, nga viti 2005 deri në 2006, i emëruar nga Presidenti George W. Bush dhe njihet si një diplomat i vijës së fortë.

Ai është shprehur fuqimisht kundër marrëveshjes bërthamore me Iranin dhe ka shfaqur opinione po aq të forta lidhur me politikën ndaj Koresë së Veriut, duke u cilësuar si një "skifter" nga disa analistë.

LEXO EDHE:
Ish këshilltari i Trump zbulon takimin me Tony Blair për idenë e shkëmbimit të territoreve mes Serbisë dhe Kosovës: Më tha se kishte liderë që mund ta bënin

Largimi i gjeneralit McMaster nga posti i këshilltarit të sigurisë kombëtare vjen në një kohë ndryshimesh të mëdha në ekipin e sigurisë së Presidentit Trump. Vetëm para rreth një jave, Presidenti Trump shkarkoi sekretarin e tij të shtetit Rex Tillerson, me një njoftim të bërë po me anë të Tëitterit.

Në njoftimin e tij të enjten, Presidenti Trump shkruante: "I jam shumë mirënjohës Gjeneralit McMaster për shërbimin e tij, i cili ka bërë një punë të shkëlqyer dhe do të jetë gjithmonë miku im."

Redaksia Online
A.D/shqiptarja.com

TAG:
• Administrata Trump
• John Bolton
• McMaster

Sondazhi i ditës:

Ilir Meta sulmon kreun e SPAK, si e vlerësoni?

• Të drejtë

  11.7%

• Të gabuar

  83.6%

• Nuk e di

  4.7%

Vota total: 5442

• Sondazhi i ditës:

  Ilir Meta sulmon kreun e SPAK, si e vlerësoni?

  Të drejtë Të gabuar Nuk e di