Tjetërsimi i pronave, lirohet shefi i sigurisë së Portit Shëngjin! Gjykata vendosi masën "detyrim paraqitje" për Agustin Gjinin

Tjetërsimi i pronave, lirohet shefi i sigurisë së Portit Shëngjin! Gjykata vendosi masën

Agustin Gjini

Gjykata e Lezhës ka zbutur masën e sigurisë ndaj shefit të sigurisë së Portit të Shëngjinit Agustin Gjini, i cili u arrestua nga policia tre ditë më parë për tjetersim pronash gjatë kohës kur ishte zyrtar i Komunës Shëngjin.

Seanca gjyqësore për verifikimin e kushteve të zbatimit të masës së sigurisë u zhvillua paraditen e së hënës dhe gjyqtari Jak Ndoka vendosi masën e sigurisë "Detyrim paraqitje" 1 herë në javë në policinë gjyqësore, pavarësisht kërkesës së prokurorit Sabri Kastriti që ai të qëndrojë në burg.

Vendimi i gjykatës së Lezhës pritet të apelohet nga organi i akuzës. Shefi i sigurisë në portin e Shëngjinit Agustin Gjini u arrestua të premten nga specailistet e Seksionit të Krimit Ekonomik e Financiar në Drejtorinë Vendore të Policisë në Lezhë, pasi gjykata kishte vendosur masen e sigurisë "arrest në burg", ndaj tij.

Ky person dyshohet se gjatë ushtrimit të detyrës si përgjegjës i Sektorit të Arkivit dhe Protokollit në Komunën Shëngjin gjatë viteve 2011-2014 ka falsifikuar dokumentet, duke tjetërsuar sipërfaqe toke në bregdetin e Shëngjinit, nga lloji i pasurisë rërë në arë. Hetimet në lidhje me këtë çështje kanë nisur 6 muaj më parë nga Prokuroria e Lezhës, ndërsa bëhet e ditur se vijon puna për dokumentimin e plotë ligjor të kësaj veprimtarie kriminale dhe vënien para përgjegjësisë ligjore të personave të tjerë te implikuar.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A besoni se SPAK do të bëjë drejtësi për 21 janarin?



×

Lajmi i fundit

Eksperti i PD-së: Rënia e Euros rrit çmimet, qeveria të jetë më e kujdesshme me kursi

Eksperti i PD-së: Rënia e Euros rrit çmimet, qeveria të jetë më e kujdesshme me kursi