Protestuesit morën fjalën njëri pas tjetrit për të shprehur pakënaqësitë e tyre ndaj qeverisë. Gerta Logu, një protestuese nga Mirdita, ngriti shqetësime për pronat, bujqësinë, administratën publike, shëndetësinë dhe emigracionin, ndërsa kërkoi dorëheqjen e kryeministrit.

“Jam Gerta nga Mirdita. Dy arat që kanë ngjitur me stallën mund të vijë një rus, një serb, një iranian që t'i blejë. Unë nuk i blej dot dhe këtë ma mundësoi qeveria. Kush ka qenë prej jush në spital dhe nuk është ndjerë i poshtëruar? Kush prej jush ka kaluar në doganë dhe nuk është ndjerë i nënshtruar? Administrata publike duhet depolitizuar. Është e pamundur kështu. Injorantët po udhëheqin Mirditën.

Ne jemi këtu kundër të gjithë atyre që janë ulur në atë karrige. Ne jemi këtu për ato nëna që puthin telefonin. Kam lënë Europën për të ardhur në Mirditë, por jo prej teje. Kam ardhur që fëmijët e mi të rriten me gjyshërit. Jam këtu për të gjithë ata njerëz që janë në Amerikë. Ky i hoqi fshatarët nga fshati. Nuk e vlerëson prodhimin vendas. I do të huajat. Si do të ketë turizëm? Si presim turizëm me pulat e Brazilit? Ju po hani kecat brazilianë. Ne na helmojnë. Na kanë helmuar arsimin. Duam dorëheqjen tënde. Po ne na mban Serbia kapur prej fyti”, tha ajo.


Lajmi kryesor:

LIVE TV- Qytetarët 27 ditë në protestë, këmbëngulin në kërkesat e Goxhajt drejtuar qeverisë! Sulme edhe ndaj Haradinajt dhe Ali Ahmetit! Marshojnë nëpër Tiranë