TIRANE- Qendra Kombëtare e Veprimtarive Folklorike dhe Ministria e Kulturës e Shqipërisë në datat 28 dhe 29 tetor organizuan tryezën me temë, “Edukimi i brezave përmes Trashëgimisë Kulturore Jomateriale”. Ishin të pranishëm ministrja e Kulturës, Mirela Kumbaro, si dhe ekspertë të fushës së trashëgimisë kulturore. Ministrja Kumbaro theksoi se deri më tani është krijuar një bankë të dhënash me bartësit dhe shoqatat që merren me trashëgiminë kulturore. Kumbaro tha se tani, pasi janë vënë në dukje problemet, do caktohen prioritetet dhe MK “po përpiqet që për festivalin e Gjirokastrës të ketë një fond të veçantë për veshjet popullore”.