Kreu i Partisë Demokratike, Sali Berisha, ishte këtë të hënë në Kukës, ku prezantoi kandidatët e Aleancës për Shqipërinë Madhështore në zgjedhjet e 11 majit. Gjatë fjalës së tij, Berisha nuk kurseu sulmet as ndaj kreut të Partisë Social-Demokrate, Tom Doshi, i cili pak kohë më parë u zotua publikisht se do t’i marrë Partisë Demokratike një mandat deputeti në Qarkun Kukës.

Berisha tha se Doshi blen vota në favor të kryesocialistit Edi Rama, me paratë e tenderave që ky i fundit i jep. Po ashtu, kreu i PD u kërkoi kuksianëve që të mos japin asnjë votë në drejtim të partive të reja, pasi sipas tij, ato janë paterica të Partisë Socialiste dhe synojnë përçarjen e votës opozitare.

"3500 tendera fiton në vit Tom Doshi nga Edi Rama dhe e nxjerr Tomën për të blerë vota pastaj. Asnjë votë Tom Doshit, asnjë votë partive të vogla, të ashtuquajtura të reja, të cilat janë paterica të Edi Ramës",- tha Berisha.

Një thirrje Berisha pati edhe për ata që filmojnë votën e tyre.

“Unë e di se ka punonjës administrate që u luten, fotografoni votën, ma dërgo se ma kërkon shefi. Asnjë fotografi mos bëni. Mos votoni Pashiqin e shqiptarëve. Se ata që u kërkojnë ju votën për të mbrojtur vendin e punës, ata kryejnë një gabim të madh shumë. Ju mos u bëni bashkëfajtorë me ta”, tha Berisha.

Berisha akuzoi kundërshtarin e tij se po nxit përçarje në familje përmes termave që përdor për burrat.

“Sillet nga një takim në tjetër me një fjalor të padenjë. Njëherë thotë se burrat janë kështu e ashtu, duke harruar se burrat janë baballarët e fëmijëve të atyre zonjave. Është botëkuptimi i atyre të cilët thanë se ka ikur koha të quajmë nënën, nënë dhe babën, babë. Është botëkuptimi i atyre të cilët prunë në parlament ligjin për të krijuar fermat e grave dhe për të lindur fëmijët e askujt”, tha Berisha.

Përpara kuksianëve Berisha tha se programi i ‘Shqipërisë Madhështore’ përveçse do të rrisë paga e pensione dhe do të ulë çmimet, do të bëjë të mundur faljen e gjobave për energjinë si dhe do të heqin traun e rrugës së Kombit.
Rendit zhvillimet sipas orarit:
Ora 19:49
FOTOLAJM/ Berisha takim 'madhështor' në Kukës

1745257883_80001745255589xe745d54196cc.jpg

Takimi i Berishës në Kukës është një dështim i plotë.

Siç shihet në foto, vetëm një grusht militantësh i janë bashkuar, në një qark ku PD pretendon të jetë më mirë se PS.

Siç do thoshte vetë Berisha në këtë rast: një m… heshtje për takimin e Kukësit.

K.M/Shqiptarja.com

K.M/SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 11 Maj, 21:43

    Shqipëria votoi për Kuvendin e ri, si ju duk procesi i votimit?

Lajme të tjera