Topi-Opozita të plotësojë KQZ
Të mos i lërë ujkut mëlçitë në qafë

TIRANË – Kryetari i Frymës së Re Demokratike, Bamir Topi i bëri thirrje opozitës të plotësojë vendet bosh në Komisionin Qendror të Zgjedhjeve duke ripërsëritur bindjen se Kryeministri Berisha është një manipulator i vjetër i votës. Ai ka ngritur zërin sot dhe për manipulimet që janë duke u bërë me listat e kandidatëve të dorëzuara në KQZ.

"Nga kanale informative apo nga media ne po marrim vesh që vazhdon manipulimi i listave ç'ka tregon se KQZ-ja, që sot është loje,  nuk garanton asnjë siguri për shqiptarët. Në kushtet e "Dy duar për një kokë" ne jemi të detyruar të marrim përsipër situatën duke mbledhur të dhënat nga zgjedhësit tanë.

FRD është koshiente për klimën parazgjedhore. Partitë politike po merren me gjithçka, por jo me një fushatë reale. Ne jemi sot në gjendje të konstatojmë një difekt të rëndë të atyre që administrojnë zgjedhjet, tejkalimin e afateve të publikimit të listës. Është një përgjegjësi ligjore, jo një përgjegjësi partiake, siç po tentojnë ta mbyllin në kanalet dhe analet e partive."- tha Topi.

TOPI-OPOZITES: MOS I VARNI UJKUT MELÇITE NE QAFE
Kryetari i Frymës së Re Demokratike, Bamir Topi i bëri thirrje opozitës të plotësojë vendet bosh në Komisionin Qendror të Zgjedhjeve duke ripërsëritur bindjen se Kryeministri Berisha është një manipulator i vjetër i votës. Ai i kërkoi Ramës të mos i krijojë terren, për t'ia bërë Berishës sa më të lehtë vjedhjen e zgjedhjeve.


"Duam t’i them opozitës, që ka një përgjegjësi në mbulimin e vendeve vakante të KQZ-së. Ne do ta kishim problem, edhe sikur KQZ-ja të ishte e mbuluar, sepse Qeveria është recidiviste në manipulimin e zgjedhjeve. Përfytyroni që do ia lerë fushën bosh dhe këtu, nuk është problemi që ne po na vjen keq, nëse po i ruan Edi Rama apo jo votat e elektoratit të tij, por duam që KQZ -ja të mos trajtohet si një institucion, që ruan interesat partiake. Unë i them opozitës edhe një herë nuk mund t'i lihen ujkut mëlçitë në qafë. Kanë lënë vendet bosh në KQZ", tha Topi.", - theksoi ai.

Redaksia online
(ar.sh/sg/shqiptarja.com)

TAG:
• kqz