Receta

Tortë e kripur me domate, vezë dhe qepë nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 20 Mars 2024, 11:29 | Përditesimi: 20 Mars 2024, 11:31

Tortë e kripur me domate, vezë dhe qepë

Përbërësit:

60 gr gjalpë
2 qepë të mëdha
500 gr domate
120 gr bukë e thekur e grirë
4 kokrra vezë
Kripë, piper

Përgatitja:

LEXO EDHE:
Revani me miell misri me sherbet nga zonja Albana

Fillimisht ngrohim furrën në 180°C. Shkrijmë pak gjalpë në një tigan dhe skuqim qepët në zjarr të ulët për 5 minuta duke i përzier. Lyejmë një tavë me pak gjalpë dhe vendosim një shtresë me qepë, hedhim kripë e piper. Mbi qepët vendosim një shtresë me domate, hedhim sërish kripë e piper dhe e spërkatim me bukën e thekur të grirë. Vendosim sipër gjalpin e mbetur dhe e vendosim tavën në furrë në pjekje për 40 minuta. Pas këtij minutazhi heqim tortën e kripur nga furra dhe me ndihmën e një luge bëjmë 4 gropa. Hedhim nga një vezë në secilën gropë dhe e vendosim tortën në furrë edhe për 15 minuta të tjera, derisa vezët të mpiksen.

MC/Shqiptarja.com

TAG:

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com