Receta

Tortë e kripur me karrota dhe patate nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 23 Janar, 11:47 | Përditesimi: 23 Janar, 11:50

Tortë e kripur me karrota dhe patate

Përbërësit:

1 petë sfoliat
3-4 patate mesatare
2-3 karrota
1 qepë
100 gr djathë parmixhano
100 gr rikota / gjizë pa kripë
1 kokërr vezë
Vaj ulliri ekstra i virgjër
Kripë, piper i zi

Përgatitja:

LEXO EDHE:
Pulë me oriz në furrë nga zonja Albana

Qërojmë patatet dhe karrotat dhe i presim në kubikë të vegjël. I ziejmë në ujë me kripë për 5-6 minuta dhe më pas i kullojmë. Presim imët qepën dhe e skuqim lehtësisht në një tigan me vaj ulliri. E vendosim qepën e kaurdisur në një tas të madh ku shtojmë djathin parmixhan dhe rikotën. Në fund, shtojmë patatet, karrotat dhe vezën. Rregullojmë shijen me kripë dhe piper dhe e vendosim këtë masë mbi petën sfoliat të shtruar në tavë. E vendosim të piqet në furrë të parangrohur në temperaturën 180°C për 35-40 minuta.

MC/Shqiptarja.com

TAG: