Postimi i fundit i Sali Berishës është për Saimir Tahirin dhe pushimet e tij në Kurvelesh. Ka postuar një fotomontazh, ku ish-ministri socialist, është në fshatin e origjinës së tij, duke pushuar dhe nga pas, i ka montuar një fushë me hashash.
Postimi është bërë në të njëjtën ditë, kur djali i tij Shkëlzen Berisha dhe gruaja e tij “blogere mode”, shijojnë pushimet në një vilë luksoze përballë Korfuzit, që kushton 2 mijë euro nata, dhe ndryshe nga miliona shqiptarë që nuk kanë mundësi të shkojnë në Greqi, ata kaluan të dielën mbrëmje në Korfuz, duke udhëtuar me Jahtin luksoz privat në dispozicion të tyre për një natë.
Greqia lejon nga Shqipëria vetëm milionerë me jahte luksoze pa karantinë. Dhe i vetmi që e ka përdorur këtë të drejtë është djali i Sali Berishës, një miliarder i padeklaruar.
Sapo ky fakt u bë publik nga portali dritare.net, Berisha na surprizoi me fotomontazhin e Saimir Tahirit, si për të na treguar që problem është ai që shkon të pushojë në Nivicë tek stani i Jahos, e jo djali dhe nusja e tij, që e kanë një natë 30 mijë euro, po të llogarisësh jahtin sa një anije vetëm për dy vetë dhe vilën luksoze.
Saimir Tahiri është para drejtësisë dhe po përballet me të. I biri i Sali Berishës, është në jahte luksoze biznesmenësh dhe vilat e tyre, duke përdorur ende hijen e pushtetit të babait.
E njëjta histori është dhe me reagimin e tij ndaj sekuestrimit të pronave të biznesmenit Ylli Ndroqi. Reagimet e politikës ishin të matura. Dhe ashtu duhet të jenë, jo vetëm për konfidecën që nuk i nderon dhe që kanë pasur me Ndroqin, por për të mos dëmtuar hetimet.
Sot nuk është dita që Ylli Ndroqi të sulmohet verbalisht, se ajo është e lehtë. Sot ai është në duart e drejtësisë dhe të tjerët duhet të heshtin.
I vetmi që foli sikur po i prekej malli i tij, ishte Sali Berisha. Dhe jo se ka ndonjë dashuri për Ylli Ndroqin, por tek ajo sekuestro, ai shikon rrezikun e ngjashëm për televizionin e djalit të tij, i cili nuk ka asnjë burim zyrtar të ardhurash.
Një televizion që harxhon gjysmë milionë euro në muaj, dhe nuk ka asnjë evidencë financiare për origjinën e investimit, është gjithnjë i rrezikuar të hetohet dhe sekuestrohet, nëse në këtë vend do të vendoset drejtësia. Fakti që i biri s’ka vënë emrin në letra nuk e qetëson, pasi ata nuk do marrin të birin, por letrat dhe pasuritë. Dhe është pikërisht ky hall që e bën atë të reagojë ndryshe nga Meta e Basha që e kanë më shumë mik personal Ndroqin, por nuk duan ta dëmtojnë atë, as duke e mbrojtur personalisht, as duke heshtur.
Ylli Ndroqi është duke u përballur me drejtësinë, ndërsa i biri i Berishës dhe televizioni i tij, duke përdorur paratë e fituara nga korrupsioni për t’u rikthyer në pushtet.
Nuk di cila industri është më fitimprurëse, ajo e drogës që akuzohet Ndroqi, apo kjo e Berishëve, por dukshëm kjo e dyta është me leverdi se këtu nuk dënohesh kurrë.
Mu kujtua kjo, ndërsa i hodha një sy televizionit të djalit të tij, që po mbulonte me shumë përkushtim sonte shpërthimin katastrofik në Liban. Dukej sikur redaksia ishte gati të linte çdo lajm e të merrej me “Gërdecin” e Libanit. I duhet doemos një histori e ngjashme me pamje të ngjashme, por jo me njerëz të ngjashëm në prapaskenë.
Vetë Sali Berisha, e marr me mend se duhet të ndihet mirë nga ky shpërthimi në Liban. Jo se urren libanezët dhe kënaqet me vdekjen e tyre, por një shpërthim i ngjashëm, shkaktuar nga biznesi ilegal i djalit të tij, më 2008, rrafshoi 300 shtëpi, rreth 400 të plagosur dhe 26 të vdekur. I vetmi që shpëtoi edhe pa u vrarë, edhe pa u plagosur, edhe pa u burgosur ishte djali i tij, i cili tani është rikthyer si biznesmen në vendin e krimit në Gërdec, për të justifikuar po atje pasuritë e bëra.
Ndërsa transmetonin pa pushim pamje nga “Gërdeci” i Libanit, dukej sikur donin të thonin “që aksidente janë, ndodhin në gjithë botën”. Ndaj mos na ngacmoni!
Dhe në fakt as unë nuk do ta ngacmoja sonte, por ai e di vetë çka bërë dhe nuk rri pa i kujtuar krimet e veta, në përpjekje për t’i fshehur.
Komente
Lajme të tjera
-
Gjikondi: Ja taktika e çiftit Meta-Kryemadhi për të shpëtuar pronat e vendosura në mënyrë të paligjshme! Ja pse administrata Trump nuk do t’i heqë ‘non-gratën’ Berishës
24 Nëntor, 12:13 -
Kreshnik Spahiu: Pse Strasburgu po e zhgënjen shumë keq Partinë Demokratike?
23 Nëntor, 23:55
-
Ylli Pata: E marta e kiametit...
23 Nëntor, 19:52
-
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
Intervista e Dumanit/ Lapardhaja: Dje konfirmoi që SPAK dhe ai janë indiferent ndaj sulmeve politike! Një prokuror që nuk ka marrë asnjë dhuratë, fat për shoqërinë shqiptare
23 Nëntor, 17:35 -
Pas 7 refuzimesh, Berisha s'heq dorë! Këmbëngul për liri në Gjykatën e Lartë
23 Nëntor, 15:41
-
Megjithë përpjekjet dhe ndihmën e përfaqësuesit grek, PD nuk arrin ta përfshijë Sali Berishën në rezolutën e PPE-së
23 Nëntor, 12:17 -
LIban/ Izraeli sulmon Bejrutin me raketa ‘bunker busters’, synonin oficerin e lartë të Hezbollahut! 16 viktima
23 Nëntor, 09:33 -
Dumani me 3 apartamente? Kreu i SPAK i përgjigjet Berishës: Kurrë në jetën time s’kam pranuar jo ryshfet, por as dhuratë mbi 100 dollarë
22 Nëntor, 21:48 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
Mero Baze: Mesazhi i Berishës, nga ‘gjyqi’ i sajuar kundër Ivi Kasos
22 Nëntor, 19:24
-
'Studio Live'/ Vendimi i GJK për Berishën, Haklaj: E quajti arrestimin të ligjshëm, unanim 8-0! Meta humbi burrërinë, kërkoi pasaportën! Faik Basha: Është më i frymëzuar se kurrë
22 Nëntor, 18:01
Kina ta befte me cfar te mban pragu
Përgjigju