Tradita vazhdon në Shkodër, Rita Shkurtaj: E trashëgoj xhubletën nga nëna! Duhet ruajtur si kompleks vlerash

Artizanja Rita Shkurtaj nga Malësia e Madhe ka ruajtur prej vitesh xhubletën e trashëguar nga nëna e saj. E tregon me krenari dhe shprehet se tashmë nuk është më vetëm pasuri e grave të veriut por e gjithë kombit.

“Lidhja e parë është lidhja genetike sepse trashëgoj xhubletën e nënës sime me të cilën ajo është martuar”, tha Shkurtaj.

Për Report Tv, Rita Shkurtaj flet për lidhjen e veçantë që ka me xhubletën dhe punën që ka bërë për të përçuar vlerat e saj në rolin e kryetares së shoqatës “Xhubleta e Alpeve”.

“Unë e shoh xhubletën si aset që duhet ruajtur dhe trasheguar si kompleks vlerash. E shoh dhe tek të tjerët se ka një tendencë në rritje për ta bërë xhubletën pjesë të pajës së vajzave”, tha Shkurtaj.

Veshja tradicionale e grave të veriut, ruajtur ndër breza aktualisht riciklohet, pakkush e punon xhubletën në punishte artizanale.

“Kryesisht sot riciklohet, xhubletat e vjetra riparohen dhe unë këtë e quaj si fazë e parë pas asaj fazës tjetër, por jo se nuk punohet fare sepse ato që e punojnë sot me dorë nuk janë personazhe publike. Por jam e bindur që do rikthehet si teknikë e punimit dhe dijebërjes nga fillimi deri në fund. E vetmja gjë që sot mungon, personalisht në fondin e shoqatës më mungojnë  vojonicat është një teknikë që bëhet me mullirin e ujit”, tha Shkurtaj. 

Ndërsa ministrja e Kulturës, Elva Margariti në një lidhje direkte nga Maroku për emisionin ‘Sot Live në Shqipëri’ se vendi ynë ka marrë një fond të dedikuar nga UNESCO për të ruajtur procesin e dije bërjes së xhubletës.

“Ka qenë një nga momentet kritik ky për Xhubletën, por ajo çfarë kemi çuar në UNESCO është ruajtja e dije bërjes. Është një fond që do të shërbejë për fillimin e punës, uroj të kemi donator të shumtë që të bëhen bashkë në gjithë botën. Nuk janë këto dukuri që mbahen vetëm nga institucionet shtetërore”. Fakti i rrënjëve të thella ishte një nga elementet vendimtare.’- u shpreh Ministrja.

A.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se duhet të ngrihet komisioni hetimor për çështjen McGonigal?



×

Lajmi i fundit

Borë e akull, i ftohti polar godet Mesdheun e Ballkanin! Stuhia ‘Barbara’ ka përfshirë një pjesë të Greqisë! Në vendet e skive bëhet thirrje për të mos u bërë sport

Borë e akull, i ftohti polar godet Mesdheun e Ballkanin! Stuhia ‘Barbara’ ka përfshirë një pjesë të Greqisë! Në vendet e skive bëhet thirrje për të mos u bërë sport