Fluks dhe radhë të gjata në Portin e Durrësit, deri më tani kanë mbërritur 4 tragete nga Bari e Ankona, gjithsej 5480 pasagjerë dhe 1065 makina (VIDEO)

DURRËS- Porti i Durrësit ka regjistruar një fluks të lartë të mjeteve dhe pasagjerëve që po vijnë në vendin tonë gjatë sezonit turistik. Fundjava e sotme, ka shënuar fluksin më të lartë të mbërritjeve në port. Mësohet se vetëm sot kanë mbërritur 4 tragete, konkretisht 3 nga Bari dhe 1 nga Ankona. Ndërkohë që gjatë mbrëmjes pritet që të mbërrijnë edhe 2 tragete të tjerë nga Bari . Qytetarët që kanë mbërritur në port po përballen me radhë të gjata të automjeteve.

Gjithsej kanë mbërritur 5480 pasagjerë dhe 1065 makina. Vetëm nga Bari kanë mbërritur 4500 pasagjerë dhe 800 makina. Ndërsa nga Ankona numri është më i ulët, pasi kanë mbërritur 980 pasagjerë dhe 265 automjete. Ndërkohë, nga tragetet që pritet të vijnë nga Bari në mbrëmje, priten 4000 pasagjerë dhe 1000 automjete. Ditën e djeshme kanë hyrë 5 tragete nga Bari dhe Ankona.

Për shkak të fluksit të lartë, në Portin e Durrësit po punohet me kapacitet të plotë, ku janë vënë në dispozicion 26 sportele. Dy tragetet që pritet të vijnë në mbrëmje nga Bari, do të vijnë me vonesë për shkak se në Bari po punohet vetëm me 3 sportele.

 

Rendit zhvillimet sipas orarit:

Të Fundit Të Parat

SI.E./xy/Shqiptarja.com

TAG:
• Durres
• porti i durresit
• Autoriteti Portual Durrës