Vrasje e 4 protestuesve të opozitës më 21 janar të vitit 2011 në bulevard, kohë kur qeveriste Sali Berisha, duhet të hetohet nga SPAK nëse ka prova që të çojnë tek zyrtarë të lartë. Kështu thotë avokati Redi Ramaj, i ftuar në emisionin ‘Shtypi i Ditës’ me Andi Kapxhiun në Report Tv, ndërsa shton se hetimi i prokurorisë ka qenë jo i plotë dhe në gjykimin e tij është momenti që të rihapet çështja.
‘Është një tema që shqetëson mjaft qytetarët. Është një temë e cila në vetvete te gjithë kur e mendojnë si ngjarje thonë nuk është bërë drejtësi. Është bërë një hetim dhe vajti deri në momentin e dënimit të disa anëtarëve të gardës. Me sa kam dijeni predha e njërit prej të vdekurve nuk është identifikuar nga është qëlluar. Edhe presoni i 4 nuk është gjetur nga ka ardhur predha. Nëse ngjarja e 21 janarit lidhej vetëm më gardën apo me drejtuesit e shtetit. Në momentin që prokuroria nuk e çon deri në fund hetimin dhe nuk kryen një hetim që të jetë i besueshëm tek qytetarët, nuk është thjeshtë për të dënuar dikë,. Familjet e atyre që kanë vdekur duan të marrin drejtësi. Në momentin që prokuroria ka bërë një hetim jo të plotë në gjykimin tim, është momenti për ta rihapur çështjen.
Nëse ka prova dhe indicia që të çojnë në zyrtarë të lartë atëherë SPAK përfshihet automatikisht në këtë çështje. Ka tentativa të reja për të nxjerrë prova të reja. Nëse ka një provë bruto, gjë që mund të na çojë në zbulimin e fakteve të reja atëherë automatikisht prokuroria mund ta nisë hetimin. Duhet të hetojmë për persona të tjerë që nuk janë gjykuar dhe hetuar deri tani he për fakte të reja. Këto dy element të çojnë në hapjen e një çështje të re. Faktet e reja mendoj se janë një indicia për të kërkuar drejtësi. Edhe qytetarët kërkojnë drejtësi.’- u shpreh Ramaj.
Duke u ndalur tek institucionet e reja të drejtësisë, Rama tha se SPAK ka detyrë morale për të hetuar 21 janarin. Për avokatin çështja e hetimit të 21 janarit u transformua në momentin e parë të hetimit duke manipuluar provat.
‘Nëse flas si qytetar drejtësia e re dhe gjithë mekanizmi që u bë me organet të pavarura nga politika. Mendoj se SPAK ka detyrën morale për të hetuar jo vetëm 21 janarin, por edhe çështje të tjera Të hetohen dhe gjykohen persona që janë lidhur edhe me vrasje. Është detyrë e SPAK. A ka prova sot? A ka audiopërgjim? Duhet të shohim nëse ky material është i plotë? Mendoj se duhet të hetohet se kush e ka, kush e posedon dhe çfarë forme është. Gjithë çështja u transformua që në momentin e parë të hetimit, me formën si u veprua me prokurorisë dhe policisë.’- u shpreh Ramaj.
Prej ditës së premte në disa media, kryesisht sociale, qarkun transkriptim i një dialogu të zhvilluar më 21 janar 2011 nëpërmjet radiove, mes komandantit të Gardës të asaj kohe, Ndrea Prendi dhe disa oficerëve. Pretendohet se bëhet fjalë për një audio-përgjim por që në fakt është një tekst pa audio.
12 vite kanë kaluar nga 21 janari, një prej ngjarjeve që ka shënjuar më së shumti historinë e të paktën këtyre 32 viteve demokraci në Shqipëri, krimi i rëndë i kur u vranë në Bulevardin ‘Dëshmorët e Kombit’ 4 protestues opozitarë nga armët e punonjësve të shtetit: Aleks Nika, Ziver Veizi, Hekuran Deda dhe Faik Myrtaj.
Lajme të tjera
-
Pas 7 refuzimesh, Berisha s'heq dorë! Këmbëngul për liri në Gjykatën e Lartë
23 Nëntor, 15:41
-
Dumani ‘indiferent’, Blushi e sulmon sërish: SPAK po i garanton imunitetin qeverisë e bandave! Arrestimi i Metës banditesk
23 Nëntor, 14:43 -
Disa përfundime pas intervistës së Altin Dumanit
23 Nëntor, 12:07
-
Avokatët e dosjes 'Metamorfoza' reagojnë pas intervistës së Altin Dumanit: Sqarim lidhur me vlefshmërinë e të dhënave të SkyECC
23 Nëntor, 12:05 -
Fisniku Dumani
23 Nëntor, 12:03
-
Dumani me 3 apartamente? Kreu i SPAK i përgjigjet Berishës: Kurrë në jetën time s’kam pranuar jo ryshfet, por as dhuratë mbi 100 dollarë
22 Nëntor, 21:48 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
Ylli Pata: Pse shpërtheu bomba në PD pas vendimit të Kushtetueses
22 Nëntor, 17:58
-
Gjykata e Lartë rrëzon rekursin e ish-kryebashkiakut të Himarës, mbetet në fuqi vendimi i Apelit për sekuestron e apartamentit të Jorgo Goros
21 Nëntor, 16:22 -
Tiranë/ Shtyhet seanca në GJKKO për Vangjush Dakon, shkak mungesa e avokatëve! Pritej që mbrojtja të jepte konkluzionet
21 Nëntor, 15:06 -
Asllan Dogjani sërish në SPAK! Deputeti i PD-së: Po më hetojnë për shtëpinë 100 metra katrorë
21 Nëntor, 13:02 -
Grabitja e 4.6 mln eurove në Rinas, GJKKO dënon me 18 vite burg Talo Çelën
21 Nëntor, 12:42
