Transfertat hyrëse nga jashtë vendit në llogaritë bankare të individëve në Shqipëri shënuan një rritje të ndjeshme vitin e kaluar. Mbështetur në të dhënat e Bankës së Shqipërisë, ato arritën vlerën e 47.4 miliardë lekëve, në rritje me 4.2% krahasuar me një vit më parë.
Rritja është më e ngadaltë me nivelin 10.1% të vitit 2021, por pjesërisht kjo është ndikuar edhe nga efekti statistikor që jep mbiçmimi i lekut në kursin e këmbimit, sidomos ndaj euros. Sipas të dhënave nga Banka e Shqipërisë, kursi mesatar i këmbimit të euros për vitin 2022 zbriti në 119 lekë, 122.5 lekë që kishte qenë në vitin 2021, që përkthehet në një zhvlerësim mesatar me rreth 2.9%.
Por, gjysma e dytë e vitit 2022 ka sjellë një tendencë në dukshme drejt një mbiçmimi më të lartë të monedhës vendase. Për tremujorin e fundit 2022, Euro u këmbye mesatarisht me 116.4 lekë, ndërsa për muajin dhjetor kursi mesatar ishte edhe më i ulët, në nivelin 114.9 lekë.
Ecuria ka një tendencë më të dukshme në rritje, e shprehur si numër transfertash. Numri i tyre për vitin 2022 arriti në pothuajse 295 mijë, me një rritje prej 73% krahasuar me një vit më parë. Banka e Shqipërisë i detajon transfertat hyrëse ndërkombëtare sipas bizneseve dhe individëve që prej viti 2015. Shifra e vitit 2022 është më e larta e regjistruara për këtë periudhë kohore.
Rritja e transfertave nga jashtë në llogaritë e individëve është një tregues që sinjalizon vijimësinë e rritjes së remitancave edhe për vitin e kaluar, megjithëse transfertat bankare nuk janë kanali i vetëm i hyrjes së tyre. Një peshë edhe më të lartë zënë dërgesat nëpërmjet operatorëve të transfertave të parave dhe flukset që hyjnë në rrugë informale.
Të dhënat e Bankës së Shqipërisë janë të disponueshme deri në fund të 9-mujorit, kur u raportuan remitanca për një vlerë të përgjithshme prej 592 milionë eurosh. Krahasuar me të njëjtën periudhë të një viti më parë, remitancat u rritën me 9.8%, duke shënuar gjithashtu nivelin më të lartë të periudhës 9-mujore që prej vitit 2009. Po t’i referohemi vitit 2021, transfertat bankare hyrëse në llogaritë e individëve përbënin 49% të vlerës totale të remitancave.
Në dekadën e fundit, po shënohet një valë e re emigracionit shqiptar, e drejtuar sidomos drejt vendeve të Europës Perëndimore. Kjo valë ka përfshirë në një pjesë më të madhe profesionistë dhe punonjës të specializuar, që kanë shfrytëzuar kërkesën për punë në tregjet europiane dhe po ushqen një cikël të ri të rritjes së remitancave që dërgohen në Shqipëri.
Përveç remitancave në formën e tyre më të zakonshme, të dërgesave të emigrantëve në formën e ndihmës për familjet e tyre në Shqipëri, në vitet e fundit ka një tendencë të rritjes së të ardhurave nga puna sezonale jashtë vendit dhe sidomos nga ajo në distancë.
Sipas Bankës së Shqipërisë, për 9-mujorin 2022 të ardhura nga puna jashtë vendit kishin vlerën e 311 milionë eurove, në rritje me 56% krahasuar me të njëjtën periudhë të një viti më parë./Monitor
Komente
Lajme të tjera
-
BSH, 3 çmimet për diplomat më të mira ekonomike! Sejko: Rënia e inflacionit uli kostot për familjet e bizneset
16 Dhjetor, 17:28
-
Afro 20% e shqiptarëve në rrezik varfërie, kanë të ardhura ditore deri në 751 lekë! Gjendja do rëndohej nëse s’do ishin pensionet e skemat sociale
13 Dhjetor, 20:29
-
Më shumë emigrantë dhe familje më në vështirësi në Shqipëri, në 9 muaj 772 mln € erdhën si remitanca
12 Dhjetor, 17:02
-
Shqipëria 1.1 mld € investime të huaja në 9 muaj, preferohen pasuritë e paluajtshme! 56 mln € më shumë krahasuar me 2023
12 Dhjetor, 16:02
-
Shqipëria rekord të ardhurash prej 3.9 mld euro nga turizmi, për 9 muaj fitoi 640 mln € më shumë se në 2023
11 Dhjetor, 16:07
-
Trump paralajmëron: Kushdo që lind në SHBA nuk do të marrë më automatikisht shtetësinë amerikane
9 Dhjetor, 17:58 -
FMN apel Bankës Qendrore: Kujdes me kreditimin e pasurive të paluajtshme! Eksperti: Krizat më të mëdha nisin nga ‘flluskat’ në këtë sektor
7 Dhjetor, 16:19
-
Emigrantët nuk sjellin vetëm të ardhura, por dhe dhunë në familje! Avokati analizon shifrat e Gjykatës së Fierit: Më shumë urdhër-mbrojtje lëshohen në fundvit
7 Dhjetor, 12:50
-
Gjirokastër/ Bllokohen për 5 orë në Komisariat 2 autobusë me shqiptarë nga Greqia ! Sekuestrohen 35 kuti medikamentesh, steka me paketa, vaj ulliri! Në hetim 3 shoferët (VIDEO)
6 Dhjetor, 18:24 -
Miliona euro përfitime nga anëtarësimi në SEPA, Sejko thirrje bankave: Plotësoni kushtet që të bëheni pjesë e sistemit evropian, investoni në inovacion
5 Dhjetor, 14:22
-
Vrojtimi i BSH/ Ndërtimi optimist, rritet kërkesa për prona! Turizmi ‘pesimist’, ndikoi rënia e ‘bumit’ të sezonit veror! Besimi në ekonomi u ul me 0,4% në Nëntor
2 Dhjetor, 17:25
-
Informaliteti, 7.4 mld lekë më shumë jashtë bankave më 2024! Qeveria plan për kufizimin e pagesave cash për qytetarët
1 Dhjetor, 16:45
Rrena me bisht. Nuk eksportojme asgje per te patur forcim te lekut pervecse krimineleve e trafikanteve qe me parate e fituara jashte shtetit nga trafiqet i fusin me thase nepermjet kamioneve, autobuzave e autoveturave dhe i hedhin ne treg per ti pastruar. Gjithe ato tonelata euro qe futen bejne qe ti bjere vlera ngaqe ka me shumice or teeeejjjjj.
Përgjigju