POP 5

Lajmet më të lexuara të 5 minutave të fundit

Kronikë

Transfertë 200 mijë € Shkëlzenit
6 ditë pasi Kalaj tërhoqi 7 mln €
Dokumenti/Transferta në llogarinë e Sh.Berishës

Komisioni hetimor për aferën CEZ është vënë në dijeni nga një bankë e nivelit të dytë në Shqipëri për një transfertë të dyshimtë prej 200 mijë euro, në llogarinë e Shkëlzen Berishës më datë 22 qershor 2009, 6 ditë pasi sekseri i CEZ, Nuel Kalaj, tërhoqi 7 milionë euro nga banka.   VIDEO
Komisioni hetimor për aferën CEZ është vënë në dijeni nga një bankë e nivelit të dytë në Shqipëri për një transfertë të dyshimtë në llogarinë e Shkëlzen Berishës, djalit të ish-kryeministrit Sali Berisha, më datë 22 qershor 2009.

Sipas një prej bankave të nivelit të dytë në Tiranë përmes një transferte të brendshme llogaria në Euro e Shkëlzen Berishës është shtuar me 200.000 Euro, e cila mund të jetë derdhje nga një llogari tjetër ose transfertë nga një llogari e një personi tjetër.

faksimile
(Transferta e kryer në llogarinë e Shkëlzen Berishës)

Komisioni hetimor për CEZ bën me dije se ka dyshime se kjo transferte mund të ketë lidhje me shumën e tërhequr cash nga Nue Nik Kalaj (7 milionë euro) vetëm 6 ditë më parë në një bankë tjetër.

Në llogaritë e shtetasit Shkëlzen Berisha, të cilat po hetohen nga Komisioni Hetimor ka edhe transferta të tjera në vlera të mëdha.

Për këtë qëllim po hetohet edhe shtetasi Ismail Mulleti, person i cili ka kryer transferta në drejtim të Shkëlzen Berishës. Komisioni kujton se Ismail Mulleti është një ndër shtetasit shqiptar të përfshirë në skandalin "Panama Papers".

Komisioni Hetimor Parlamentar "CEZ" njofton se do të vijojë punën edhe pse PD po bojkoton punimet e Kuvendit.

Dëshmitari i radhës Shkëlzen Sali Berisha ka konfirmuar në Sekretarinë e Komisionit se do të dëshmojë përpara këtij Komisioni më datë 27 Shkurt ora 17:00.

Gjithashtu po në këtë datë do të kërkohet përsëri thirrja me forcë e dëshmitarit Nue Nik Kalaj dhe e dëshmitarit Ismail Mulleti.

Redaksia Online
l.q/Shqiptarja.com

/Shqiptarja.com
  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Këshilli Drejtues i RTSH vendos 2 kandidatët që vazhdojnë garën për drejtor, 3 të skualifikuar

Këshilli Drejtues i RTSH vendos 2 kandidatët që vazhdojnë garën për drejtor, 3 të skualifikuar

27 Janar, 17:46