Trashëgimia Kulturore, OST mori
vendimin e duhur për “Komanin”
Pas kërkesës publike nga shoqëria civile por edhe nga banorët për devijimin e linjës së tensionit të lartë në Koman, OST ka vendosur të devijojë projektin dhe të dëgjojë zërin e qytetarëve. Forumi për Mbrojtjen e Trashëgimisë Kulturore e ka përshëndetur vendimin e OST dhe ka thënë se do ta ndjekë deri në fund këtë rast dhe çdo rast tjetër të ngjashëm
TIRANE - Forumi për Mbrojtjen e Trashëgimisë Kulturore ka reaguar sot duke përshëndetur propozimin e OST për të devijuar kalimin e shtyllave të tensionit të lartë mbi vendbanimet e Komanit. Vendimi i marrë nga OST për devijimin e linjës së tensionit do të ndiqet deri në përfundim të projektit nga vetë forumi i Mbrojtjes së trashëgimisë Kulturore. Në një njoftim të shpërndarë për mediat ka bërë me dije se do të jetë në mbështetje të qytetarëve për çdo rast denoncimi që bëhet në kuadër të mbrojtjes së mjedisit.
Më poshtë deklarata e plotë e Forumit Forumi për Mbrojtjen e Trashëgimisë Kulturore përshëndet propozimin e fundit të Operatorit të Sistemit të Transmetimit (OST) për të devijuar kalimin e shtyllave të tensionit të lartë mbi vendbanimin e Komanit. Ky propozim për të ndryshuar projektin fillestar, të aprovuar në muajin Dhjetor 2014 nga institucionet në varësi të Ministrisë së Kulturës, vjen si pasojë e reagimit dhe ndjeshmërisë qytetare ndaj këtij rreziku që i kanosej trashëgimisë historike shqiptare.
Forumi falenderon të gjithë ata studiues vendas dhe të huaj, përfaqësues të misioneve diplomatike, gazetarë, njerëz publikë dhe qytetarë të tjerë dashamirës dhe të ndjeshëm ndaj mbrojtjes së trashëgimisë historike dhe kulturore, të cilët u rreshtuan në këtë çështje në anën e duhur dhe nuk pranuan që arroganca politike dhe inercia burokratike të shkaktonte dëme të pakthyeshme për vendbanimit e Komanit.
Devijimi i linjës i propozuar nga OST është pranuar nga arkeologët e misionit shqiptaro-francez, që punojnë në zonën e Komanit, si një zgjidhje me optimale në kushtet në të cilat ndodhet projekti. Pavarësisht kësaj, arkeologët do të monitorojnë me vëmendje punimet që do të kryhen në trasenë e re të linjës së interkonksionit.
Forumi për Mbrojtjen e Trashëgimisë Kulturore do të ndjekë në vijim këtë çështje deri në vendimin përfundimtar zyrtar, që do të garantojë devijimin e linjave të tensionit të lartë nga traseja që kalonte përmes vendbanimit të Komanit.
Ky është një rast i mirë për të apeluar të gjitha institucionet shtetërore që të jenë më bashkëpunuese dhe transparente me shoqërinë civile dhe problematikën që kjo shoqëri ngre në emër të publikut. Forumi do të vazhdojë të denoncojë dhe bëjë të dëgjohet zëri i reagimit qytetar për shumë çështje të tjera që rrezikojnë sot trashëgiminë kulturore dhe historike të vendit tonë.
Redaksia online
(f.m/shqiptarja.com)
Sondazhi i ditës:
Si ju duket turizmi këtë sezon, krahasuar me një vit më parë?
-
Më mirë
38%
-
Më keq
44.2%
-
Njësoj
17.8%
Vota total: 2237
Votat totale janë unike
Lajme të tjera
-
Itali, kapen 11.5 kg kokainë në port, në pranga një shqiptar dhe një italian
3 Gusht, 22:00
-
VIDEO/ Skena komike në 'Paris 2024', çiklisti gjerman ndalon garën dhe futet në 'Pub' për të kryer nevojat personale
3 Gusht, 21:57
-
Trazira në Britaninë e Madhe, e djathta ekstreme sulmon Sunderlandin pas vrasjes së 3 vajzave! Starmer: Ekstremistët dhe huliganët do i mposhtim
3 Gusht, 21:45
-
Real Madrid, NASA kërkon metodat 'Galaktike' të Pintus për t’u kthyer në Hënë
3 Gusht, 21:33
-
Lufta në Ukrainë/ Nëndetësja ruse fundoset në Detin e Zi, ushtria ukrainase: U godit me sukses
3 Gusht, 21:18
-
I fusnin brenda çiftelive, tavolinave dhe kolltuqeve, zbardhet skema e grupit që trafikonin armë drejt Anglisë dhe roli i secilit
3 Gusht, 21:15
-
Trump rrëfen telefonatat që mori nga Zuckerberg pas atentatit të dështuar: Faji i Inteligjencës Artificiale me 'halucinacione'!
3 Gusht, 21:14
-
Al-Rayyan s’heq dorë nga Berat Gjimshiti, e ardhmja e kapitenit vendoset nesër
3 Gusht, 20:59
-
Mero Baze: Zgjedhjet në Himarë i japin fund krizës artificiale me Greqinë
3 Gusht, 20:51
-
Rrufeja godet në plazh, plagosen 3 pushues, Këshillat se si të ruhemi nga shkarkesat elektrike
3 Gusht, 20:47
-
Pas Noizyt edhe Stresi anulon koncertin e tij në Vushtri pasi dhunuan personazhin e TikTok, reperi: Më është ngritur fletarrest
3 Gusht, 20:44
-
Nesër zgjedhjet e Himarës, por Vangjel Dule ankimon vendimin e KQZ: Të anulohet, i paligjshëm!
3 Gusht, 20:26