Superliga shqiptare e futbollit ka zhvilluar tre ndeshjet e para të programuara për të shtunën, sa i takon raundit të 22-të. Tirana fitoi 0-3 në Ballsh, ndërkohë që në 16:30 Partizani barazoi 1-1 ndaj Dinamos, teksa Skënderbeu mposhti 2-1 Teutën.
Në "Arenën e Demave" Partizani dhe Dinamo barazuan 1-1 në derbin e kryeqytetit, kjo për fanatikët e futbollit në vend. Ishin "Blutë" e Ilir Dajës që kaluan në epërsi në minutën e 51 me Itodo. Kur u duk se Dinamo do merrte kreun e renditjes ishte Bintsouka në shtesën e dytë që vendosi ekuilibrat për 1-1.
Në "Adush Muça" të Ballshit vendasit e Bylisit humbën 0-3 nga Tirana. Rikthimi i Bledi Shkëmbit në stolin e bardhebluve ka sjellë edhe triumfin e tretë të Tiranës këtë sezon dhe të parin pas katër humbjeve radhazi. Emmanuel Ernest shënoi në minutën e 38-të duke kaluar miqtë në epërsi. Në pjesën e dytë ishte Akileu Ndreca që shënoi golin e dytë. Në të 73 minutë Ernest doli me karton të kuq për miqtë, teksa tre minuta pas tij të njëjtin fat pësoi edhe Ofori i vendasve. Ndërkohë që në shtesën e tetë Rafa shënoi edhe golin e tretë duke dërguar Tiranën në kuotën e 21 pikëve. Bylis mbetet me 24 pikë.
Në Korçë, Skënderbeu fitoi 2-1 me përmbysje kundër Teutës dhe i bëri dhuratë tri pikë trajnerit Ernest Gjoka për ditëlindje. Lloci shënoi për durrsakët në minutën e 11-të, para se Charles me penallti të barazonte në fundin e pjesës së parë. Për të bërë përmbysjen e madhe te vendasit mendoi Ermir Rashica. Sulmuesi që do kalojë edhe pak kohë në Korçë shënoi në minutën e 80-të për t'i prishur debutimin trajnerit Bledar Devolli në stolin e Teutës. Të dyja skuadrat e mbyllën këtë sfidë me nga dhjetë lojtarë, pas daljes me të kuq të Charles dhe Karabecit.
Në pritje të dy ndeshjeve të fundit të diel, Partizani dhe Dinamo janë në krye me nga 38-pikë, ndërsa ndjekin Vllaznia dhe Egnatia që nesër përballen së bashku në "Loro Boriçi" të Shkodrës.
Superliga, raundi 22:
E shtunë, 25 janar 2025
13:30 Bylis 0-3 Tirana
16:30 Partizani 1-1 Dinamo
16:30 Skënderbeu 2-1 Teuta
E diel, 26 janar 2025
17:00 AF Elbasani - Laçi
17:00 Vllaznia - Egnatia
Renditja:
Komente
Lajme të tjera
-
‘Dhurata’ e parë për Shkëmbin, Tirana prezanton mbrojtësin argjentinas
24 Janar, 15:24 -
Transferta në Ballsh, Bledi Shkëmbi i Tiranës: Kemi katër mungesa, pse u binda të rikthehem në ekip
24 Janar, 13:55 -
Spikat derbi i kryeqytetit, Vllaznia pret kampionët në fuqi! Agjenda e raundit të 22-të në Superligë, dy debutime trajnerësh
24 Janar, 12:17 -
Në mbrojtje dhe sulm, Partizani bën dy afrime në pak orë
24 Janar, 11:42 -
Disiplina e FSHF dënon me 200 mijë lekë gjobë Elbasanin, Besa edhe 2 ndeshje pa tifozë! Pezullohet dënimi i 3 futbollistëve të Ilirisë dhe zyrtarit të Tomorit
23 Janar, 18:40 -
Zyrtare/ Njohje e vjetër, Egnatia rikthen në Superligës sulmuesin Guindo
23 Janar, 11:15 -
Zyrtare/ Mesfushori i Tiranës firmos te Bologna, kryeqytetasit arkëtojnë 250 mijë euro
22 Janar, 19:02 -
Egnatia firmos me ish-mbrojtësin e Partizanit, e rikthen në Superligë nga Koreja e Jugut
22 Janar, 18:23 -
Zyrtare/ Shkarkuan Edi Martinin, Teuta zgjedh trajnerin e ri
22 Janar, 16:17 -
Drejtuesit e AF Elbasanit takim në zyrat e FC Bologna: Bashkëpunim edhe për ekipin e parë
22 Janar, 16:09 -
Të gjithë të 'çmendur' pas talentit shkodran të Kombëtares, katër klube evropiane duan Kevin Dodaj
21 Janar, 17:12 -
Zyrtare/ Teuta shkarkon Edi Martinin, durrsakët gjejnë trajnerin e ri
21 Janar, 16:14
