POP 5

Lajmet më të lexuara të 5 minutave të fundit

Bota

Tre ish-ushtarë japonezë shpallen fajtorë për sulm seksual

​​​​​​Një gjykatë japoneze ka shpallur fajtorë tre ish-ushtarë për sulm seksual ndaj koleges së tyre. Vendimi historik vjen pasi Rina Gonoi, 24 vjeçe, tërhoqi vëmendjen ndërkombëtare kur publikoi historinë e saj në YouTube në 2022

Tre ish-ushtarë japonezë shpallen fajtorë për sulm seksual

Anëtarët e Ministrisë së Mbrojtjes së Japonisë përkulen për t'i kërkuar falje Rina Gonoit në shtator 2022

​​​​​​Një gjykatë japoneze ka shpallur fajtorë tre ish-ushtarë për sulm seksual ndaj koleges së tyre. Vendimi historik vjen pasi Rina Gonoi, 24 vjeçe, tërhoqi vëmendjen ndërkombëtare kur publikoi historinë e saj në YouTube në 2022.

Prokurorët e qytetit japonez, Fukushima, më pas ngritën akuza kundër tre burrave në mars, duke anuluar vendimin e tyre të mëparshëm. Japonia është një shoqëri thellësisht konservatore ku të folurit kundër dhunës seksuale mbetet një tabu.

“Vendimi i sotëm dëshmon se ajo që ata bënë ishte një krim, kështu që unë dua që ata të përballen me të dhe të reflektojnë mbi veprimet e tyre. Dhe shpresoj se ky vendim do t’i inkurajojë viktimat të flasin”, tha Ganoi pas dënimit të ish ushtarëve.

Ky është vendimi i parë i madh për akuzat për sulm seksual në Japoni që nga qershori. Gonoi raportoi incidentin tek eprorët e saj, por ankesa e saj u hodh poshtë pasi nuk kishte dëshmitarë, raporton BBC.

Videoja e saj në YouTube u bë virale vitin e kaluar dhe ajo mblodhi më shumë se 100,000 firma për një peticion që i bënte thirrje ministrisë së mbrojtjes të hetonte rastin e saj.

Më vonë, ministria i kërkoi falje asaj dhe nisi një hetimin që çoi në shpalljen fajtor të 3 ish ushtarëve.

Gonoi ka ngritur gjithashtu një padi civile kundër pesë autorëve dhe qeverisë japoneze, duke kërkuar 5.5 milion jen (40,000 dollarë; 32,000 £) dëmshpërblim nga burrat për shkaktimin e shqetësimit të saj mendor dhe 2 milion shtesë nga shteti për dështimin e tij, për të parandaluar abuzimin.

Sulmi seksual është ende një temë tabu në Japoni dhe ka fituar vëmendjen kombëtare vetëm vitet e fundit pas rasteve të profilit të lartë si Gonoi.

Vetëm në qershor autoritetet miratuan një rishikim historik të ligjeve të krimit seksual, duke zgjeruar përkufizimin e përdhunimit në "marrëdhënie seksuale pa konsensuale" nga "marrëdhënie seksuale e detyruar" - duke përafruar përkufizimin e ligjit japonez me vendet e tjera. Mosha ligjore e pëlqimit, më parë ishte vetëm 13 vjeç, gjithashtu u rrit në 16 vjeç.

    S.S/Shqiptarja.com
    Komento

    KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

    • Sondazhi i ditës:

      Si e vlerësoni funksionimin e Gjykatave dhe Prokurorive në qarqe?

    Lajme të tjera



    ×

    Lajmi i fundit

    Ylli Pata: Nga rikthimi i Stalinit, te Tuaregu i Monikës; kodet e tërbimit të Ilir Metës

    Ylli Pata: Nga rikthimi i Stalinit, te Tuaregu i Monikës; kodet e tërbimit të Ilir Metës

    27 Prill, 21:26 nga Ylli Pata