POP 5

Lajmet më të lexuara të 5 minutave të fundit

Kronikë

Tre vajza tentohen të trafikohen për prostitucion, si u zbulua dje rasti i fundit, e reja: Do të ikja për turizëm

Mbrëmjen e së shtunës policia e Rinasit parandaloi një rast të trafikimit të një të reje nga Fieri drejt Italisë, me qëllim prostitucioni, duke arrestuar vetëm shoqëruesin e saj e shpalljen në kërkim të 3 pritësve në shtetin Italian. Por dëshmia kontradiktore e 30 vjeçares ngriti dyshimet e policisë. Fillimisht vajza kishte pohuar se do të shkonte në Itali për turizëm, e ndërsa në intervistën e dytë deklaroi se do të shkonte tek familjarët.

Rastet e trafikut të femrave drejt vendeve të BE-së, vijojnë të jenë një problem shqetësues, e sidomos për shoqërinë shqiptare.

Vetëm në dy muajt e fundit, nga aeroporti i Rinasit janë zbuluar tre tentativa të kalimit të vajzave të reja drejt Italisë, që më pas do të shfrytëzoheshin për prostitucion nga tutorët e tyre.

I tillë ishte edhe parandalimi i një situate të tillë, kur një 30 vjeçare u detyrua të tregonte gjithçka, pasi u zbulua nga shërbimet e policisë. Kanë qenë punonjësit e policisë Kufitare që pasi kanë marrë në pyetje të renë, kanë zbuluar se vajza do të trafikohej në drejtim të Italisë.

Por, dëshmia kontradiktore që vajza dha para uniformave blu, bëri që policia të parandalonte edhe trafikimin e saj.

Fillimisht, në vijën e parë, e reja nga Fieri shpjegoi se do të shkonte për turizëm, e ndërsa në vijën e dytë të kalimit kufitar, 30 vjeçarja pohoi se do të shkonte për pushime tek disa të afërm të saj. Dy dëshmi të ndryshme bënë që oficerët e policisë të ngrinin dyshimet e tyre për një rast trafiku, e që në përfundim vajza u detyrua të tregonte edhe dhunën që i ishte ushtruar për ta detyruar që të trafikohej për prostitucion.

Pas dëshimsë së vajzës, u arrestua vetëm shoqëruesi i saj në aeroportin e Rinasit, e ndërsa u shpallën në kërkim tre pritësit në Itali, emrat e të cilëve tashme janë edhe në dorë të autoriteteve italiane, për të kryer arrestimin e tyre.

Por si arritet të kryhet ky trafikimi? Burime pranë policisë sqaruan se kalimi i tyre kryhet me pasaportë të rregullt, e ndërsa si alibi kryesore kanë "pushimet te familjarët".

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Lika: 07/10/2019 17:41

    KA HYRE SHUME NE MOD TURIZMI I SEKSIT...

    Përgjigju
  • Sondazhi i ditës: 21 Janar, 08:38

    14 vite nga vrasja e 4 protestuesve, do bëjë SPAK drejtësi për 21 janarin?

Lajme të tjera



×

Lajmi i fundit

Pesë ushqimet që nuk duhet t’i vendosni kurrë në derën e frigoriferit

Pesë ushqimet që nuk duhet t’i vendosni kurrë në derën e frigoriferit

22 Janar, 16:58