POP 5

Lajmet më të lexuara të 5 minutave të fundit

Ekonomi

Tregtia e ushqimeve këtë vit arrin rekordin e dekadës , 51.9 mln euro ushqime u eksportuan në janar-shkurt 2022! Importet në një periudhë 2-mujor arritën 164.7 mln euro

Eksportet dhe importet e mallrave në muajit e parë të vitit kanë pësuar një rritje të fortë, duke kapërcyer edhe shifrat e para pandemisë. Në 2 muajit e parë të 2022-shit, eksportet e ushqimeve arritën 52 milionë euro që është vlera më e lartë e dekadës, dhe me të njëjtin ritëm janë rritur edhe importet e ushqimeve.

Tregtia e mallrave në muajit e parë të këtij viti ka ecur me ritme tejet pozitive, duke arritur shifra rekord e kapërcyer të dhënat e para pandemisë.

Vetëm në dy muajit e parë të vitit eksportet arritën në 72 miliardë lekë duke u rritur me 49%, ndërsa importet kapën shifrën e 124 miliardë lekëve.

Sipas të dhënave të INSTAT, në 2 muajit e parë të vitit kanë arritur në shifra rekord të dekadës së fundit edhe eksportet e importet e ushqimeve dhe pijeve joalkoolike.

Konkretisht për muajit janar-shkurt 2022 eksportet e ushqimeve ishin në vlerën 6,314 miliardë lekë (51,9 mln euro), që është vlera më e lartë e arritur në 10 vitet e fundit. Eksportet e këtij grupi janë në rritje prej rreth 1 miliardë lekë në raport me vitin e kaluar.

Nga ana tjetër në shifra rekord kanë arritur edhe importet e ushqimeve. Mbi 20 miliardë lekë (164,7 milionë euro) është vlera e ushqimeve, pijeve joalkoolike dhe duhanit të importuar në dy muajit e parë të këtij viti me një rritje prej 4.3 miliardë lekësh në raport me të njëjtën periudhë të vitit të kaluar.

Kjo rritje e tregtisë të ushqimeve lidhet edhe me përmirësimin e eksporteve bujqësore, të cilat qeveria është zotuar se do ti çoj në 1 miliardë dollarë brenda këtij mandati. Ndërsa në raport me 2 mujorin e parë të 2021 eksportet bujqësore u rritën me 14%.

Nga ana tjetër ndikim në rritjen e vlerës monetare të tregtisë kanë dhënë edhe çmimet e rritura të ushqimeve si në vend ashtu edhe në tregjet  e huaja, pasi e njëjta sasi malli këtë vit është blerë më shtrenjtë se vjet.

Ndërkohë shifrat e muajit mars do të jenë të dhënat e para që do të sjellin një panoramë të ndikimit të Luftës në tregtinë e mallrave.

IMPORTET E USHQIMEVE, PIJEVE DHE DUHAN

Janar-Shkurt 2016                  13,586,504,560 lekë

Janar-Shkurt 2017                  13,857,568,919 lekë

Janar-Shkurt 2018                  15,056,543,721 lekë

Janar-Shkurt 2019                  15,297,427,518 lekë

Janar-Shkurt 2020                  15,803,282,239 lekë

Janar-Shkurt 2021                  15,712,672,454 lekë

Janar-Shkurt 2022                  20,014,450,552 lekë

IMPORTET E USHQIMEVE, PIJEVE DHE DUHAN

Janar-Shkurt 2016                  3,124,165,539 lekë

Janar-Shkurt 2017                  2,841,005,032 lekë

Janar-Shkurt 2018                  3,590,779,344 lekë

Janar-Shkurt 2019                  4,230,824,379 lekë

Janar-Shkurt 2020                  4,328,003,842 lekë

Janar-Shkurt 2021                  5,315,824,363 lekë

Janar-Shkurt 2022                  6,314,298,934 lekë

SI.E./Sh.Sh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça