Receta

Trileçe me karamel në kushte shtëpie nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 1 Maj, 12:00 | Përditesimi: 1 Maj, 12:01

Trileçe me karamel

Përbërësit:

Për pandispanjën:

LEXO EDHE:
Bakllava me kadaif dhe arra nga zonja Albana

6 kokrra vezë
200 gr miell
200 gr sheqer
Pak vanilje pluhur

Për kremin:

300 gr qumësht
300 gr pana e freskët
300 gr qumësht i kondesuar
Pak karamel

Përgatitja:

Fillimisht përgatisim pandispanjën, ndajmë të verdhat e vezëve nga të bardhat dhe fillojmë i irrahim këto të fundit me rrahësin elektrik. Vazhdojmë t'i rrahim të bardhat e vezëve derisa të arrijmë një masë të bardhë si shkumë. Në këtë pikë hedhim me ngadalë sheqerin të përzier me vaniljen duke vijuar me trazimin. Shtojmë më pas të verdhat e vezëve një e nga një duke mos e ndërprerë rrahjen. Pasi janë përzier mirë shtojmë miellin e situr me kujdes që të mos bëhen kokrriza. Pasi të kemi formuar një masë homogjene e hedhim në një tavë të lyer me gjalpë dhe e vendosim të piqet në furrë të nxehtë në 180°C përreth 25-30 minuta. Pasi është pjekur pandispanja e trileçes e lemë të ftohet pak, e nxjerrim nga tava dhe e shpojmë nga të dyja anët me majën e një thike ose me ndonjë shkop të hollë. Fillojmë përgatisim kremin, hedhim në një enë qumështin, shtojmë ngadalë qumështin e kondensuar dhe e trazojmë mirë. Pasi qumështi i kondensuar të jetë tretur plotësisht shtojmë panën e freskët. Masën e qumështit e hedhim mbi pandispanjën, e lëmë të përthithet dhe e mbulojmë sipërfaqen me karamel. E vendosim ëmbëlsirën trileçe në frigorifer për disa orë përpara se ta shërbejmë.

MC/Shqiptarja.com

TAG: