Tritol ndaj farmacisë së Tahirit
Baftjar Bruka mohon akuzën

Me esktradimin e Baftjar Brukës nga Suedia i dyshuar si personi që vendosi tritolin në biznesin e familjes së Ministrit të Brendshëm Saimir Tahiri, hetimet për të dhe 6 të pandehurit e tjerë janë drejt fundit.

Prokurori i kësaj dosje Besnik Muci ku i pandehur është dhe Vladimir Gjuta pak ditë më parë gjatë një seance gjyqësore, për afatet e hetimeve, deklaroi para togave të zeza se në shkurt do të depozitonte kërkesën për gjykim.

Më 9 shkurt 2015 policia shpalli në kërkim Vladimir Gjutën dhe Baftjar Brukën ndërsa arrestoi 5 të tjerë si të dyshuar për tritolin e vendosur në automjetin e Bashkim Tahirit dhe biznesit të tij.

Bruka i esktraduar nga Suedia u njoh këtë të shtunë me masën e sigurisë “arrest me burg” dhënë në mungesë ndaj tij, ndërsa në seancën me dyer të mbyllura mësohet se ai ka mohuar akuzën.


Redaksia Online
(F.T/shqiptarja.com)

TAG:
• vladimir gjuta