Trondit Vuçiç: Shumë shpejt luftë e tretë botërore! Mesazhi i Putinit është i qartë, s’tërhiqet nga konflikti

Për presidentin serb Aleksandar Vuçic, mesazhi i Putin është shumë i qartë, dhe bëhet fjalë për luftë të re botërore pas një ose 2 muajsh. Vuçiç paralajmëroi gjithashtu vendime të rëndësishme për të ardhmen e Serbisë, brenda muajit.

Në një deklaratë të pazakontë për radiotelevizionin serb, presidenti Aleksandar Vuçiç, ka paralajmëruar se bota duhet të përgatitet për luftën e tretë botërore, pas një ose dy muajsh.

 “Nuk është e vështirë të merret me mend se çfarë po kërkon të thotë Presidenti Putin në terma të përgjithshëm. Unë supozoj se nga faza e një operacioni special ushtarak po i afrohemi një konflikti të madh lufte dhe tani pyetja është se ku janë kufijtë dhe nëse do të shkojmë pas disa kohësh, ndoshta në një ose dy muaj do të shkojmë në një konflikt të madh,që nuk e kemi pasur që nga Lufta e Dytë Botërore”- tha ai.

LEXO EDHE:
Sulm me dron në portin rus, raportohet për viktima dhe të plagosur

Vuçic paralajmëroi gjithashtu zhvillime edhe në Serbi, të cilat siç tha ai do të bëhen të ditura deri në fund të muajit.

“Në shtatë deri në dhjetë ditët e ardhshme do të marrim vendime të rëndësishme, me të cilat do t’i njoftojmë qytetarët dhe besoj se gjatë javës së ardhshme do të trajtoj disa masa dhe vendime të rëndësishme për të ardhmen e Serbisë.- tha Vuçiç.

Vuçiç u ndal edhe tek çështja e Kosovës duke thënë se gjatë takimeve në Nju Jork, ka marrë garanci nja një shtet se nuk do ta njohë.

Kujtojmë se ditën e djeshme në ueb-faqen e Kremlinit, Putin tha se Rusia dhe Serbia janë të lidhura përmes raporteve të partneritetit strategjik që bazohen në traditë të miqësisë, kulturës, afërsisë shpirtërore dhe historike të dy shteteve. Aty po ashtu u tha se Moska do të vazhdojë ta thellojë këtë bashkëpunim. 

G.MO/r.k./Shqiptarja.com

TAG:
• aleksander vucic
• lufta ne ukraine
• rusia sulmon ukrainen
• vladimir putin