POP 5

Lajmet më të lexuara të 5 minutave të fundit

Sport

‘Tronditi’ futbollin me 7 gola, Vora drejt ëndrrës Superligë! Trajneri Mërgjyshi: S’jemi aty ku duam, por kemi mbështetjen e tifozëve

Ekipi i Vorës në futboll synon që shumë shpejt të vijë në Superligën shqiptare. Për këtë ata ndeshjen e fundit e fituan 7-0, por për Report TV si trajneri Mërgjyshi ashtu edhe futbollisti Raboshta thotë se nuk janë atje ku dëshironin. Megjithatë ata premtojnë se në fund të kampionatit do sigurojnë vendin e parë që i ngjit fillimisht në Kategorinë e Parë.

Një fitore tenistike, me shifrat 7-0 bëri bujë këtë fundjavë në Kategorinë e Dytë. Vora ishte skuadra që poshtëroi Shënkollin, pasi kjo skuadër ëndërron që në një të ardhme të afërt të prekë të Superligën shqiptare.

Profesor nëse sot do të ofronin që kampionati të mbyllej në vendin e dytë do pranojë?

“Jo do ishte një zhgënjim, por do të thoja edhe fjalën dështim sepse të gjitha projeksionet ose pritshmëritë thonin që do ishim skuadra që do donimin kategorinë, por në 3 ndeshjet e fundit kemi shënuar 15 gola dhe kemi marrë pikët e plota. Pra jemi në formën e duhur,”-tha Artan Mërgjyshi, trajner i Vorës.

“Duhet të kishim bërë shumë më tepër, por ishin ndeshjet e para. Ka vështirësi në formimin e ekipit të ri. Tani njohim mirë njëri tjetrin dhe presim të bëjmë shumë më tepër,"-u shpreh Jasmin Raboshta, futbollist i Vorës.

Vora e vendit të dytë ka 26 pikë, 2 më pak se Sopoti i vendit të parë që ngjitet direkt në Kategorinë e Parë. Me qëllim për t’jua afruar Vora do të presë të shtunën Bulqizën ku kërkon vetëm 3 pikët.

“Me Bulqizën shpresojmë të japim më të mirën dhe ta vlerësojmë ashtu siç kemi bërë me 3 kundërshtarët e fundit,”-u shpreh Jasmin Raboshta, futbollist i Vorës.

“Një ndeshje relativisht e lehtë në letër, por në futboll tani kemi mësuar që nuk ka ndeshje të lehta. Çdo kundërshtar duhet respektuar,”-tha Artan Mërgjyshi, trajner i Vorës.

Vora në fillim të këtij sezoni rikonstruktoi stadiumin dhe kjo ka bërë që tifozët të jenë më të shumtë.

“Na kanë ndihmuar shumë, sidomos në ndeshjen e fundit ku bëmë një fitore tenistike. Jemi borxhlinj dhe presim t’jua shperblejmë ngrohtësinë dhe atë që ato presin nga ne,”-deklaroi Artan Mërgjyshi, trajner i Vorës.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça