POP 5

Lajmet më të lexuara të 5 minutave të fundit

Ekonomi

Tryeza, Peleshi: Investimet italiane
në Shqipëri janë mbi 700 mln euro

Zv/Kryeministri Niko Peleshi, mori pjesë sot në konferencën për përzgjedhjen e projekteve në kuadrin e Programit Italo-Shqiptar të Konvertimit të Borxhit për Zhvillim.
Tryeza, Peleshi: Investimet italiane<br />në Shqipëri janë mbi 700 mln euro
TIRANË - Zv/Kryeministri Niko Peleshi, mori pjesë sot në konferencën për përzgjedhjen e projekteve në kuadrin e Programit Italo-Shqiptar të Konvertimit të Borxhit për Zhvillim.

Duke folur në këtë aktivitet, Peleshi e cilësoi Italinë, partnerin strategjik të 20 viteve të fundit, duke u kthyer tashmë në një promotor të proceseve integruese të vendit tonë.

Sipas zv/Kryeministrit, investimet italiane në Shqipëri, përgjatë dy dekadave të fundit, të cilat fillimisht ishin humanitare e më pas të shprehura në kredi dhe investime të drejtëpërdrejta në sektorë të ndryshëm, kapin vlerën e 700 milion eurove.

“Qeveria italiane ka dhënë një kontribut shumë domethënës për Shqipërinë, duke investuar në projekte nga më strategjikët, si në energji, infrastrukture, zhvillime rurale, arsim, shëndetësi etj”, theksoi Peleshi.

Në emër të qeverisë, ai shprehu angazhimin në një proces të posacëm për rishikimin e procedurave të biznesit, me qëllim lehtësimin e projekteve dhe iniciativave të biznesit të huaj në vendin tonë, proces për të cilin, tha se po punon një grup parlamentar.
 
Redaksia online
(ac/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

28 Nëntor, 23:04