Qyteti i Lezhës prej vitesh mbart problemin e varrezave publike. Në varrezën e vjeter që gjendet në fshatin Grykë-Zezë, hapësira është ezauruar prej vitesh per shkak te rritjes demogratike te qytetit. Ndaj në shumë raste banoret detyrohen të hapin varret e vjetra të paraardhesve për të varrosur në të njëjtën gropë te afermit.
Ndërsa në fshatin Gocaj të njësisë admistrative Kakarriq është hapur një tjetër varrezë publike, 6 vite më parë. Ajo njihet si “varreza e re” e Lezhës, por që nuk i dha zgjidhje problemit të vjetër! Siç shihet në pamje varrezën e Gocajt e kanë mbuluar ferrat dhe balta. Banorët tregojnë se është ndërtuar në një tokë të papërshtatshme, që më parë ka qenë kënetë, ndaj herë pas here mbushet me ujë. Të shqetësuar ata thanë, se ka pasur raste kur eshtrat kanë dalë në sipërfaqe!
“Gocaj e Kakarriqi janë moçale. S’di pse e benë aty?! Ka pas toke boll tek kisha. Këtu nuk është vend i përshtatshem”, shprehet nje banor.
“Këtu është bërë katastrofë! E ka mbuluar vendin ferra dhe bashkia nuk e pastron asnjeherë. Unë kam ardhe me pastru vete varret e të afermëve. Pastaj më e keqja është se këtu ka shumë ujë. Me mesu not për së vdekmi, veç këtu ndodh!”, tha një tjetër banor.
Kryebashkiaku Pjerin Ndreu që po konsumon mandatin e dytë në krye të bashkisë së Lezhës tha se faji është i paraardhësit të tij, Fran Frrokaj që zgjodhi ndertimin e nje varreze në Kakarriq. Gjithsesi Ndreu premton se se shpejti në Këshillin Bashkiak do te kaloje vendimi per nje varreze te re publike ne Lezhe.
“Jemi në një ndjekje të problemit. Terreni është i papërshtatshëm por është bërë nga paraardhësi. Ne jemi pranë miratimit të vendimit në Këshillin Bashkiak për të hapur një zonë të re. Por duhet të kuptojmë se s’mund të bëjmë dy here blerje per te njëjtën gjë, ndaj do gjejmë tokë shtet”, tha ai.
Kryebashkiaku i Lezhës nuk dha detaje për vendin e ri, por tha se do shfrytezohen tokat e shtetit. Deri atëhere banorët e Lezhës do të jenë duke u përballur me sfidën për të gjetur një vend prehje për të afërmit e tyre.
Komente
Lajme të tjera
-
Mirditë, votohet buxheti me votat e PS dhe PD-së, Mëlyshi: Minimal për nevojat e bashkisë
28 Dhjetor, 10:44
-
Aksident i trefishtë në aksin Lezhë-Laç, raportohet për tre të plagosur! Makinat bëhen copash
27 Dhjetor, 18:43 -
‘Puna e zezë’, shumë biznese në Lezhë nuk deklarojnë punëtorët, drejtori i Zyrës Punës: Duhet të ashpërsohet ligji
27 Dhjetor, 17:15
-
Shfaqet sërish murtaja afrikane e derrave në Lezhë! Ministria e Bujqësisë: U konstatuan 15 derra të ngordhur
27 Dhjetor, 17:08 -
Studim për nëntokën e Lezhës, Neritan Ceka: Së shpejti gërmime të reja arkeologjike
26 Dhjetor, 16:45
-
Eduard Zaloshnja: Gjykata kushtetuese vs. realiteti elektoral
26 Dhjetor, 09:59
-
Apeli e dënoi për tjetërsimin e tokës te Rana e Hedhun, arratiset ish-kreu i Bashkisë së Lezhës, Fran Frrokaj! Nuk gjendet në banesë
25 Dhjetor, 13:02
-
Krishtlindja kremtohet edhe në Lezhë, qindra besimtarë i bashkohen ritualit fetar në katedralen e ‘Shën Nikollit’
25 Dhjetor, 09:47 -
Kurbin/ Humb kontrollin e mjetit dhe del nga rruga, ndërron jetë 65- vjeçari
25 Dhjetor, 08:23 -
Kisha e 'Shna Ndout' tërheq qindra besimtarë, mbahet mesha e shenjtë e Krishtlindjes
24 Dhjetor, 20:06 -
Tjetërsimi i 66 mijë m2 tokë te Rana e Hedhun, Apeli i GJKKO dyfishon dënimin për ish-kryebashkiakun Frrokaj! Do kthehet në qeli, do vuajë 2,8 vite burg (VENDIMI)
23 Dhjetor, 14:15 -
Moti i keq/ Lezha përfshihet nga rrebeshet e shiut me erëra të forta! Vështirësohet qarkullimi i mjeteve në qytet
23 Dhjetor, 12:13
Prit gomar sa te dali bari,kështu i thon kësaj pune,ka tre vjet qe kryetari i bashkise ka thene qe do ta zgjidhim kete problem
Përgjigju