Avari të tilla janë të shpeshta në këtë qytet pasi rrjeti i tubacioneve është mjaft i amortizuar. Sipas përgjegjësit të mirëmbajtjes së rrjetit, Gerald Dautaj, është punuar pa ndërprerje gjatë 48 orëve të fundit për të bërë të mundur riparimin e defekteve.
‘’Kërkojmë mirëkuptimin e qytetarëve për situatën e krijuar. Është një defekt i paparashikuar. Ndërhyrja ka qenë e vështirë. Është punuar brenda 48 orëve për ta kthyer situatën në gjendjen e mëparshme. Aktualisht stacioni është rivënë në punë, dhe nga nesër situata do kthehet në normalitet’’,-u shpreh Dautaj.
Tubacioni që furnizon me ujë qytetin bregdetar ka një moshë 45-vjeçare, amortizimi për shkak të viteve ka sjellë defekte të shpeshta në linjën nga Fushë-Kuqja deri në Durrës.
Furnizimi me ujë i lagjeve të qytetit pritet të normalizohet gjatë ditës së sotme, fillimisht në lagjet që e kanë orarin e furnizimit gjatë pasdites.
Redaksia Online
XH.K/Shqiptarja.com