Alarmi se sëmundja e tuberkulozit në vend po njeh një trend rritje, duket se është i pavërtetë.
 
Menaxherja e programit kombëtar të Tuberkulozit në vendin tonë, Donika Mema, sqaron edhe të dhënat mbi këtë sëmundje, rrezikun e bluzave të bardha nga kjo sëmundje si dhe gjendjen shëndetësore të pacienteve në Durrës.
 
“Aktualisht ne kemi 12 të shtruar me tuberkuloz, jo vetëm pulmonar, por ekstra pulmonar, që nuk është infektues për të tjerë.
 
Pacientët janë në dhoma në vete, mjekimi merret cdo mëngjes në sy të infermierëve. Nga të dhënat që kemi, tuberkulozi ka një % shumë të ulët, 0.5 për 100 mijë banorë dhe nëse i shikojmë janë të moshës së tretë me komplikacione të tjera".
 
Përsa i përket rastit të pacientëve në qytetin e Durrësit, ajo shprehet se situata është në kontroll.
 
“Tuberkulozi quhet sëmundje pa kufi, mund të prekë këdo, por nuk zhvillojnë të gjithë sëmundje.
 
Personat që punojnë në spital dhe që u shërbejnë kanë riskun më të madh. Personeli shëndetësor ka qenë korrekt dhe ka qenë i centralizuar”  
 
Në një vit sipas saj regjistrohen deri 400 raste me këtë sëmundje, por që janë të kurueshme.
 
Para dy ditësh, 4 persona u diagnostikuan me tuberkuloz. Tre sanitare te spitalit te Durresit jane infektuar nga semundja e rrezikshme pasi në repartin ku ato punojne, kurohen 4 pacientët e diagnostikuar me sëmundjen e Turbekulozit.
 
Gjendja shendetesore e tre sanitareve te infektuara është stabilizuar dhe dy prej tyre jane transportuar ne spitalin “Shefqet Ndroqi” në Tiranë.
 
Dyshohet se gratë mund të jenë infektuar gjatë ndërrimit të çarçafëve dhe dërgimit të tyre në lavanderi.
 
 
dy.b/shqiptarja.com