POP 5

Lajmet më të lexuara të 5 minutave të fundit

Politikë

Tubimi në Kavajë, gjobitet me 5 mln lekë Lulzim Basha! Nën hetim 20 mbështetës, mes tyre edhe ish-kryebashkiaku

Tubimi i djeshëm në Kavajë, ku mblodhi rreth vetes rreth 150 persona, i ka kushtuar shtrenjtë kreut të Partisë Demokratike Lulzim Basha. Report Tv mëson se kryedemokrati është gjobitur me 5 milion lekë, e ndërsa janë proceduar penalisht 20 mbështetës të tij, mes tyre edhe ish-kryebashkiaku i Kavajës, Isa Sakja.

KAVAJË- Tubimi i djeshëm në Kavajë, ku mblodhi rreth vetes rreth 150 persona, i ka kushtuar shtrenjtë kreut të Partisë Demokratike Lulzim Basha. Report Tv mëson se kryedemokrati është gjobitur me 5 milion lekë, e ndërsa janë proceduar penalisht 20 mbështetës të tij, mes tyre edhe ish-kryebashkiaku i Kavajës, Isa Sakja si organizatorë të tubimit. 

Edhe pse vendi është në kohë pandemie dhe gjatë këtyre javëve të fundit kurba e infektimeve ka arritur në nivele maksimale, kjo nuk e ndali Bashën që të grumbullonte qindra njerëz në sheshin e Kavajës, nën euforinë e fushatës elektorale si paraardhësi i tij, Sali Berisha. Basha kishte hipur mbi makinë, me dy gishtat lart, e ndërsa turma e njerëzve, shumica prej tyre pa maska, thërrisnin në korr “Rama ik”. Për këtë pati edhe një reagim nga ana e Policisë së Shtetit, e cila në deklaratën e tyre zyrtare shpreheshin të shqetësuar nga ato pamje, ku theksuan se nuk do të tolerojnë asnjë parti politike që shkel masat anti-COVID.

Ky nuk është rasti i vetëm kur subjektet politike kanë shkelur masat kundër COVID. Më parë kanë marrë gjobë për zhvillim të tubimeve elektorale në shkelje të masave anti COVID, ish-deputeti i LSI-së, Endrit Braimllari, ministri i Turizmit, Blendi Klosi, përfaqësuesi i partisë Demokratike Shkallnur, Arapaj Fatmir Muça dhe përfaqësues i partisë Demokratike Manëz, Agim Cani. Kryetarja e LSI Monika Kryemadhi ka marrë gjobë dy herë.   Herën e dyte ka debatuar me një polic, pasi refuzonte që të mbante maskën. Gjobë ka pasur edhe për “Shoqatës Durrësi”, ku në aktivitetin e organizuar prej saj kishte qenë i pranishëm edhe presidenti Ilir Meta. 

Rendit zhvillimet sipas orarit:
Ora 13:01
Basha nuk zë mend nga gjoba 5 mln, mbledh qindra qytetarë në Durrës: Një frymë e jashtëzakonshme

Kreu i Partisë Demokratike Lulzim Basha duket se nuk ka zënë mend nga gjoba e marrë për tubimin në Kavajë dhe ka mbledhur sërish dhjetëra qytetarë në fushatë elektorale, kësaj herë në qytetin e Durrësit. Shëndeti i qytetarëve duket se ka kaluar në plan të dytë dhe kjo pamje për Bashës është një tregues i një fryme mbështetëse për demokratët. Ironike është fakti që teksa takon qytetarët Basha i pyet “Si jeni me shëndet, jeni ruajtur ndopak”.

B.K./Shqiptarja.com

B.K./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Hasan basha: 14/03/2021 06:59

    P0shte komunistat .

    Përgjigju
  • Kavajsi: 12/03/2021 10:11

    Nonen e pak e kane palacot bejne karshillek ne kohe pandemie.

    Përgjigju
  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Mat/ Humbi kontrollin e makinës, 40 vjeçari përplas për vdekje të moshuarin

Mat/ Humbi kontrollin e makinës, 40 vjeçari përplas për vdekje të moshuarin

26 Dhjetor, 18:43