'Turi Global për Paqe'! Shakhtar Donetsk rikthehet në fushën e blertë, lojtarët me emra të veçantë në fanella

Duke veshur emrat e qyteteve të bombarduara rëndë në fanellat e tyre, klubi ukrainas i futbollit Shakhtar Donetsk u rikthye në fushën e blertë, në kompeticionin bamirës në "Global Tour for Peace" të mbështetur nga qeveria, në të cilën e nisi me humbje 1-0 ndaj liderve të ligës greke, Olympiakos, të shtunën.

Turneu synon të mbledhë para për ushtrinë e Ukrainës në luftën kundër Rusisë dhe gjithashtu të ndihmojë refugjatët ukrainas të zhvendosur nga lufta.

Shakhtar gjithashtu do të luajë me Fenerbahce, Hajduk Split dhe Lechia Gdansk, me kundërshtarë të tjerë që ende nuk janë konfirmuar. Klubet e futbollit në të gjithë Evropën kanë ofruar të luajnë lojëra kundër klubeve ukrainase dhe të presin lojtarë të rinj pasi futbolli në vend u mbyll kur Rusia e pushtoi në shkurt.

Në stadiumin Karaiskaki në Pire të shtunën, lojtarët e Shakhtarit zëvendësuan emrat e tyre në pjesën e pasme të fanellave të tyre me ato të qyteteve të bombarduara nga forcat ruse, duke përfshirë Mariupolin.

Të pranishëm duke ndjekur ndeshjen ishin edhe ministri i Jashtëm grek, Nikos Dendias dhe ambasadori i Ukrainës në Greqi, Sergii Shutenko.

Një pjesë e vogël e sediljeve u mbush me 176 arusha dhe lodra të tjera për fëmijë në kujtim të 176 fëmijëve që Ukraina tha të shtunën se kanë vdekur në luftë që nga pushtimi i Rusisë më 24 shkurt.

Pas një minutë heshtje për viktimat e luftës, ndeshja filloi dhe pritja e ngrohtë zgjati rreth pesë minuta para se tifozët vendas të fillonin ta trajtonin atë si një lojë normale futbolli dhe të tallnin kundërshtarët e tyre.

Sulmuesi brazilian Tiquinho shënoi golin e vetëm me kokë në minutën e 22-të në një ndeshje ku rezultati nuk kishte kurrë rëndësi.

G.B./Sh.Sh/Shqiptarja.com

TAG:
• shakhtar donetsk
• Olympiacos