Turistët amerikanë 'krah për krah' me mbretëreshën Elizabet....por askush nuk e njohu! ARSYEJA

Një grup turistësh amerikanë u ndeshën rastësisht me mbretëreshën e Angilisë, Elizabet, ndërsa ajo shëtiste rreth njërës prej shtëpive të saj skoceze në Balmoral dhe nuk e njohën atë.

Grupi amerikan filloi të bisedonte me 93-vjeçaren, e cila ishte e veshur me një pallto dhe shami në kokë.

Pa e kuptuar në asnjë cast se përballë tyre kishin mbretëreshën, turistët e pyetën nëse ajo jetonte afër. Njëri prej ish-oficerëve të mbrojtjes Richard Griffin, i cili ka qenë përgjegjës për sigurinë e mbretëreshës për më shumë se 30 vjet, i tha Times se turistët nuk e kishin parë ndonjëherë mbretëreshën dhe vazhduan të ecnin në këmbë pa e ditur se kë kishin takuar.

Mbretëreshës i pëlqen të vishet thjeshtë, kur është jashtë në Kalanë Balmoral, rezidencën Skoceze në Aberdenshire që ajo viziton çdo verë. Prona 50,000 hektarë është pronë e familjes mbretërore që nga viti 1852.

Në Skoci, mbretëresha e Anglisë preferon më shumë veshje me ngjyra të hapura, në krahasim me veshjet e saj me ngjyra të ndezura. Sipas një biografi mbretëror Robert Hardman, Mbretëresha vesh ngjyra të ndritshme në mënyrë që ajo të njihet menjëherë.

Në biografinë e saj të vitit 2011 të titulluar “Mbretëresha Jonë”, autori përshëndeti mbretëreshën për "modestinë e saj" duke shtuar një shprehje të saj të famshme: "Unë nuk mund të vesh kurrë ngjyrë bezhë sepse askush nuk do ta dijë se kush jam unë".

Mbretëresha e Anglisë

TAG:
• Mbretëresha Elizabeth II
• richard griffin
• shtepia skoceze
• turiste amerikane